Hymno national

Hymno national
instantia de: song type[*]
subclasse de: national symbol[*], patriotic song[*], secular hymn[*], anthem[*]
Commons: National anthems

Le hymno national es un composition musical patriotic in general, con ligamines de historia, traditiones e lucta pro le existentia del populo, recognoscite per le governamento del nation como le canto official national, o de un convention in uso del populo.

Historia

Hymnos inceptava haber prominentia in Europe in le 19-ne seculo. Le plus vetule hymno national es "Het Wilhelmus", le hollandese hymno national, scribite 1568-1572 durante le Revolta hollandese.

Uso

Spectatores sta durante le canto del hymno national

Hymnos national se usa pro national dies o festivales, o durante le incipiento o durante le premiation de evenimentes sportive. Durante competitiones sportive como le Jocos Olympic, le hymno national del sportivo(s) qui gania le medalia de auro sona. In alicun paises le hymno national se canta pro studentes cata die al initio del schola como un exercitio de patriotismo.

Lyrica

Alicun hymnos national ha essite componite de scriptores qui ganiava le Premio Nobel pro Litteratura. India e Bangladesh ha duo cantos del poeta/autor Rabindranath Tagore como hymnos national. Le premiato Nobel Bjørnstjerne Bjørnson scribeva le lyrica pro le hymno national de Norvegia "Ja, vi elsker dette landet".

Alicun hymnos national non ha lyrica official, como in Bosnia e Hercegovina, Espania, e San Marino.

Lingua del lyrica del hymno

Hymnos national in general usa le lingua commun del pais de facto o le lingua official. Exceptiones es le hymno national de India (Jana Gana Mana) con paroles in sanskrit supra le lingua Bengali, le hymno national de Pakistan (que non es in le linguas official urdu o anglese) ma in le lingua persian, perque Pakistan ha le tradition de culmination de statos e imperios musulman in le region que usa le lingua persian. Statos con multiple linguas official como Helvetia (francese, germano, italiano e rhetoromano) e Canada ((anglese e francese ha le hymno in omne le linguas official. In Africa de Sud le hymno national es componite de stanzas in cinque linguas official.

Vide etiam

• Lista de hymnos national

Ligamines externe

• Omne hymnos national (in formato MIDI) Archived 2008-04-09 at the Wayback Machine
• Musica, lyrica de omne hymnos de paises
• Hymnos mundial audio de US Navy
• Un collection de hymnos national Archived 2008-04-09 at the Wayback Machine in formato mp3.
• NationalAnthems.us