Saltar ao contido

Glía de Müller

Na Galipedia, a Wikipedia en galego.
(Redirección desde «Célula de Müller»)
Animación 3D dos procesos das células de Müller (vermello) interconectados cunha célula da microglía da retina (verde).

A glía de Müller ou células de Müller son un tipo de células gliais da retina, recoñecidas e descritas por primeira vez polo anatomista alemán Heinrich Müller.[1] Encóntranse na retina dos vertebrados, onde exercen como células de soporte ou apoio das neuronas, como todas as células da glía fan. Son o tipo máis común de célula glial atopado na retina. Aínda que os seus corpos celulares están localizados na capa nuclear interna da retina, as súas prolongacións se estenden por todo o grosor da retina.[2]

A principal función das células de Müller é manter a estabilidade estrutural e funcional das células da retina. Isto comprende a regulación do ambiente extracelular por medio da captación de neurotransmisores, eliminación de residuos, regulación dos niveis de K+, almacenamento de glicóxeno, illamento eléctrico de receptores e outras neuronas e o soporte mecánico da retina neural.

Desenvolvemento

[editar | editar a fonte]

A glía de Müller deriva durante o desenvolvemento de dúas poboacións distintas de células. A célula de glía de Müller é a única célula glial da retina que comparte unha liñaxe celular común coas neuronas da retina. Un subconxunto da glía de Müller orixínase a partir das células da crista neural.[3] Son esenciais para o desenvolvemento da retina de ratos, servindo como promotores do crecemento retinal e da histoxénese, por medio dun mecanismo mediado por unha esterase non específica.[4] A glía de Müller tamén está implicada nun labor de célula poste indicador para o desenvolvemento dos axóns das neuronas na retina de polos.[5] Estudos feitos usando un modelo de peixe cebra da síndrome de Usher indicaron que as células de Müller exercen un papel na sinaptoxénese, a formación de sinapses.[6]

Apoio ás neuronas

[editar | editar a fonte]
Relación espacial entre as células de Müller e a microglía.

Como células gliais que son, a glía de Müller desempeña un papel secundario pero moi importante para as neuronas. Funcionan como importantes mediadores da degradación de neurotransmisores (acetilcolina e GABA concretamente) e o mantemento dun ambiente favorable na retina nas tartarugas.[7] A glía de Müller é importante na indución do encima glutamina sintetase en embrións de polos,[8] que é un importante actor na regulación das concentracións de glutamina e amoníaco no sistema nervioso central. A glía de Müller foi tamén identificada como fundamental para a transmisión da luz a través da retina dos vertebrados debido á súa especial forma de funil, orientación na retina e propiedades físicas máis favorables.[9]

Papel na rexeneración da retina

[editar | editar a fonte]

A glía de Müller está sendo estudada actualmente polo seu papel na rexeneración neural en animais, un fenómeno que non foi observado ata agora en humanos.[10] Realizáronse estudos das propiedaes rexenerativas da glía de Müller nas retinas do peixe cebra[11][12] e do polo,[13] pero o mecanismo molecular exacto non está claro. Posteriores estudos realizados en ratos mostraron que a sobreexpresión de Ascl1 na glía de Müller en conxunción coa administración dun inhibidor da histona desacetilase permite a rexeneración de neuronas retinianas a partir da glía de Müller.[14] Estudos en modelos humanos demostraron que a glía de Müller ten o potencial de servir como células nai na retina adulta[15] e son proxenitoras eficientes dos fotorreceptores bastóns.[16]

Os danos nas células da retina induce as células de Müller a orixinar gliose (proliferación da glía). O resultado da resposta varía dependendo dos danos e o organismo no cal ocorreron estes.[2][17] En peixes cebra e ratos viuse que a glía de Müller sofre desdiferenciación dando células proxenitoras multipotentes. A célula proxenitora pode despois dividirse e diferenciarse en varios tipos de células da retina, incluíndo as células fotorreceptoras, que puideron ser danadas durante unha lesión.[18][19] Outras investigacións mostraron que a glía de Müller pode actuar como colector de luz no ollo de mamíferos, análogo a fibras ópticas, canalizando a luz cara aos foorreceptores conos e bastóns.[9]

Notas

[editar | editar a fonte]
  1. ↑ Müller, Heinrich (1851). "Zur Histologie der Netzhaut" (PDF). Zeitschrift für Wissenschaftliche Zoologie 3: 234–237. Arquivado dende o orixinal (PDF) o 29 de decembro de 2020. Consultado o 28 de decembro de 2022. 
  2. ↑ 2,0 2,1 Goldman, Daniel (xullo de 2014). "Müller glia cell reprogramming and retina regeneration". Nature Reviews Neuroscience 15 (7): 431–442. PMC 4249724. PMID 24894585. doi:10.1038/nrn3723. 
  3. ↑ Hamon, Annaïg; et al. (outubro de 2015). "Müller Glial Cell-Dependent Regeneration of the Neural Retina: An Overview Across Vertebrate Model Systems". Developmental Dynamics 245 (7): 727–738. PMC 4900950. PMID 26661417. doi:10.1002/DVDY.24375. 
  4. ↑ Bhattacharjee, J; Sanyal, S (1975). "Developmental origin and early differentiation of retinal Müller cells in mice". Journal of Anatomy 120 (Pt 2): 367–72. PMC 1231976. PMID 1201967. 
  5. ↑ Meller, K.; Tetzlaff, W. (1976). "Scanning electron microscopic studies on the development of the chick retina". Cell and Tissue Research 170 (2): 145–159. PMID 954051. doi:10.1007/bf00224296. 
  6. ↑ Phillips, J. B.; Blanco-Sanchez, B.; Lentz, J. J.; Tallafuss, A.; Khanobdee, K.; Sampath, S.; Jacobs, Z. G.; Han, P. F.; Mishra, M.; Titus, T. A.; Williams, D. S.; Keats, B. J.; Washbourne, P.; Westerfield, M. (2011). "Harmonin (Ush1c) is required in zebrafish Muller glial cells for photoreceptor synaptic development and function". Disease Models & Mechanisms 4 (6): 786–800. PMC 3209648. PMID 21757509. doi:10.1242/dmm.006429. 
  7. ↑ Sarthy, P.; Lam, D. M. (1978). "Biochemical studies of isolated glial (muller) cells from the turtle retina". The Journal of Cell Biology 78 (3): 675–84. PMC 2110200. PMID 29902. doi:10.1083/jcb.78.3.675. 
  8. ↑ Linser, P.; Moscona, A. A. (1979). "Induction of glutamine synthetase in embryonic neural retina: Localization in Muller fibers and dependence on cell interactions". Proceedings of the National Academy of Sciences 76 (12): 6476–80. Bibcode:1979PNAS...76.6476L. PMC 411888. PMID 42916. doi:10.1073/pnas.76.12.6476. 
  9. ↑ 9,0 9,1 Franze, K.; Grosche, J.; Skatchkov, S. N.; Schinkinger, S.; Foja, C.; Schild, D.; Uckermann, O.; Travis, K.; Reichenbach, A.; Guck, J. (2007). "Muller cells are living optical fibers in the vertebrate retina". Proceedings of the National Academy of Sciences 104 (20): 8287–92. Bibcode:2007PNAS..104.8287F. PMC 1895942. PMID 17485670. doi:10.1073/pnas.0611180104. 
  10. ↑ WebVision: Regeneration in the Visual System of Adult Mammals
  11. ↑ Fausett, B. V.; Goldman, D. (2006). "A Role for α1 Tubulin-Expressing Müller Glia in Regeneration of the Injured Zebrafish Retina". Journal of Neuroscience 26 (23): 6303–13. PMC 6675181. PMID 16763038. doi:10.1523/jneurosci.0332-06.2006. 
  12. ↑ Raymond, Pamela A; Barthel, Linda K; Bernardos, Rebecca L; Perkowski, John J (2006). "Molecular characterization of retinal stem cells and their niches in adult zebrafish". BMC Developmental Biology 6: 36. PMC 1564002. PMID 16872490. doi:10.1186/1471-213X-6-36. 
  13. ↑ Fischer, Andy J.; Reh, Thomas A. (2001). "Müller glia are a potential source of neural regeneration in the postnatal chicken retina". Nature Neuroscience 4 (3): 247–52. PMID 11224540. doi:10.1038/85090. 
  14. ↑ Jorstad, Nikolas L.; Wilken, Matthew S.; Grimes, William N.; Wohl, Stefanie G.; VandenBosch, Leah S.; Yoshimatsu, Takeshi; Wong, Rachel O.; Rieke, Fred; Reh, Thomas A. (agosto de 2017). "Stimulation of functional neuronal regeneration from Müller glia in adult mice". Nature 548 (7665): 103–107. Bibcode:2017Natur.548..103J. PMC 5991837. PMID 28746305. doi:10.1038/nature23283. 
  15. ↑ Bhatia, Bhairavi; Jayaram, Hari; Singhal, Shweta; Jones, Megan F.; Limb, G. Astrid (2011). "Differences between the neurogenic and proliferative abilities of Müller glia with stem cell characteristics and the ciliary epithelium from the adult human eye". Experimental Eye Research 93 (6): 852–61. PMC 3268355. PMID 21989110. doi:10.1016/j.exer.2011.09.015. 
  16. ↑ Giannelli, Serena G.; Demontis, Gian Carlo; Pertile, Grazia; Rama, Paolo; Broccoli, Vania (2011). "Adult Human Müller Glia Cells Are a Highly Efficient Source of Rod Photoreceptors". Stem Cells 29 (2): 344–56. PMID 21732491. doi:10.1002/stem.579. 
  17. ↑ Bringmann, Andreas; Iandiev, Ianors; Pannicke, Thomas; Wurm, Antje; Hollborn, Margrit; Wiedemann, Peter; Osborne, Neville N.; Reichenbach, Andreas (novembro de 2009). "Cellular signaling and factors involved in Müller cell gliosis: Neuroprotective and detrimental effects". Progress in Retinal and Eye Research 28 (6): 423–451. PMID 19660572. doi:10.1016/j.preteyeres.2009.07.001. 
  18. ↑ Bernardos, R. L.; Barthel, L. K.; Meyers, J. R.; Raymond, P. A. (2007). "Late-Stage Neuronal Progenitors in the Retina Are Radial Muller Glia That Function as Retinal Stem Cells". Journal of Neuroscience 27 (26): 7028–40. PMC 6672216. PMID 17596452. doi:10.1523/JNEUROSCI.1624-07.2007. 
  19. ↑ Takeda, Masumi; Takamiya, Akira; Jiao, Jian-wei; Cho, Kin-Sang; Trevino, Simon G.; Matsuda, Takahiko; Chen, Dong F. (2008-03-01). "α-Aminoadipate Induces Progenitor Cell Properties of Müller Glia in Adult Mice". Investigative Ophthalmology & Visual Science (en inglés) 49 (3): 1142–1150. ISSN 1552-5783. PMC 2638994. PMID 18326742. doi:10.1167/iovs.07-0434. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Glía_de_Müller&oldid=6674755»