Aiuto:ISTRUZIONIBASE/Argistrères
| Per tachèr | Cambiamèint | Scritùra | Ligamèint | Nòti | Discussiòun | Argistrères | Dèr a mèint! |
Istruziòun - Argistrères
Argistrères al n'è mia obligatòri, mo al sarèv méi!
Tót quant i pólen dèr na man e scréver inséma ala Vichipèdia, argistrê o ménga argistrê. In tót i mòd agh in di vantàg' ad argistrères:
- La pusibilitê 'd fèr pàgini nóvi
- Èser argistrê at dà un quelch potér in pió, ad esèimpi te pô impostèr al tô preferèinzi da druvadòr e te gh'è di strumèint in pió per cambièr al pàgini. Un strumèint còmed per esèimpi l'è la lésta di lavór ch'te tin a drê (ciamèda al còsi ch'a guèrd), ch'al fà dvintèr pió fàcil vèder i cambiamèint al pàgini ch't'i interàssen: te gh'è sól da schisèr al butòun osservati speciali in èlt a drétta. Un èter l'è la posibilitê ed móver o cambièr nòm a na pàgina (an móver mia óna pàgina copiànd e inculànd perchè acsè as pèrd la stòria dla pàgina. Piotòst dmanda in dal Bar per l'aiut d'un druvadór argistrê.)
- Un druvadór brisa argistrê l'è arcgnussû dal sô inderéss IP, druvê cóm póblich identificadór quand i fan di cambiamèint (e quand i fìrmen in dla pàgina ed discusiòun). Al tô inderéss IP al prèvv gnir druvê per catèr dal i informasiòun só d'tè, acsè dòunca argistrères al fà cràsser la tô privacy perchè al fà in mòd ch'i èter druvadór in pólen ménga vèder al tô inderéss IP. Incòra, vést ch'l'inderéss IP al cambia sovèint, i druvadór mia argistrê i prénn catèr pió dificultê ad avér al rispèt e la colaboraziòun di èter druvadór, perchè l'è mia facil capìr subét s'i vólen dèr na man o fèr dal casèin. Al n'è nianch fàcil purtèr avànt di discusiòun cun sti chè, in quant vést ch'in mia argistrê in gh'àn mia óna pàgina ed discussiòun. Per sti motìv chè, dimòndi Vichipediàn i pèinsen che un druvadór argistrê al daga ón'atensiòun pió granda ai pròpri cambiamèint, e la posibilitê ed ciacarèr ségh. Quest al vól anch dir chi i contribùd d'un utèint argistrê a i artécol e al discusiòuni i gh'àn pió pés di qui dla ginta mia argistrèda.
- Agh in di pàgini ch'i pólen èser cambièdi sól da druvadór ch'i én bèle argistrê. Dòunca, al i pól cambièr sól un druvadór argistrê da almanch quàter dè e che l'abia fat almanch dés cambiamèint, ma un dravór mia argistrê al n'i pól brisa cambièr, nianch s'al à fat dés-méla cambiamèint.
- Sól i druvadór argistrê i gh'àn al perméss ed dvintèr aminestradór (gnussû anch cóm sysops).
Quant at argéstret, an scurdèret mia la tô password o al tô nòm da druvadór! S'a gh'èt paura ed sminghèrla, almanch arcòrdet ed mètter al tô inderéss ed pòsta eletrònica, durànt la registrasiòun, acsè se per sbali t'la sî sminghèda, la 't vin mandèda óna nóva via pòsta eletrònica.
Cóm argistrères
Per argistrères, schésa al butòun chè dedsóver o al ligamèint só a drétta Entra/Registrati ch'tè pô catèr in tót al pàgini.
Tè 'n sarê mia bòun ed cambièr (facilmèint) al tô nòm da druvadór 'na vòlta ch'tè l'è tòt, dòunca fê atenziòun!
N.B.: Tót i nòm ch'i gh'àn dèinter dal parolàzi, dal madòni o in tót i mòd i prènn ufènder quelchidùn i gnaràn blochê e scanzlê.