Bremañ (kelaouenn)
Bremañ zo ur gazetenn daouviziek e brezhoneg penn-da-benn, krouet gant bodad brezhonegerien yaouank Skol an Emsav e Roazhon e 1980, da vare stourm tud Plougoñ ouzh mennad ar Stad C'hall hag EDF da sevel ur greizenn nukleel e Breizh. Er gazetenn e vez kaoz eus sevenadur hag eus Breizh, met ivez eus keleier lec'hel hag etrebroadel.
Embannet e vez bepred ar gelaouenn gant ar gevredigezh Skol an Emsav, bep eil miz.
Ar skipailh
[kemmañ | kemmañ ar vammenn]E-touez ar saverien e oa Jil Killivere, Olier ar Mogn, Mikael Baudu, Mikael Duval, Mark Kerrain. Tamm ha tamm e teuas tud all : Dominig Jolivet, Iwan Kadored, Mich Beyer, Paol ar Meur.
Goude un nebeud bloavezhioù e voe kemeret renerezh Bremañ, ha hini Skol an Emsav ivez, gant Lena Louarn. N'he deus ket bet skrivet meur a bennad goude-se, met gwelet e veze he foltred aliezik er pajennoù.
Adalek 2010 e oa bet Olier ar Mogn rener ar gelaouenn betek ma yafe Samuel Julien da sammañ ar garg-se war e lerc'h.
Kuitaat a reas Lena Louarn renerezh Skol an Emsav e miz Gouere 2010, goude bezañ bet dilennet e Kuzul-rannvro Breizh e miz Meurzh 2010.
Gwenvael Jequel a oa bet o ren ar gevredigezh, etre 2010 ha 2020. Abaoe 2021 eo Gwenael Dage rener Skol an Emsav.
Skipailh ar skridaozañ
[kemmañ | kemmañ ar vammenn]Pa veze roet arc'hant gant ar Stad (gant an "implijoù yaouank") e voe gallet paeañ kazetennerien d'ober al labour e-lec'h an emsaverien. Kenderc'hel a ra ar gelaouenn da vezañ maget gant kenskriverien a-youl vat. Abaoe an deroù e vez sammet ul lodenn vras eus labour aozañ ar gelaouenn gant izili a-youl vat eus Skol an Emsav, evel Olier ar Mogn.
- Fulup Lannuzel, pennskridaozer ha kazetenner
- Anton Burel, kazetenner
- Gwenole Gernigon, kazetenner
- Tangi Legavre, kazetenner
- Paol ar Meur, kazetenner
- Olier ar Mogn, rener embann Bremañ
- Lena Louarn, renerez Skol an Emsav, etre 1989 ha 2010
- Samuel Julien, rener embann Bremañ
- Gwenvael Jéquel, rener Skol an Emsav, etre 2010 ha 2020
- Solenn Georgeault, kazetennerez, etre 1999 ha 2002
- Milio Latimier, kazetenner, etre 2002 ha 2021
- Joan Bizien, kazetennerez, etre 2010 ha 2012
- Gwenael Dage, rener Skol an Emsav hag an embann abaoe 2021
- Alexandra Perrois-Jaloux, karget eus embann ar c'helaouennoù, etre 2021 ha 2022.
Gwelet ivez
[kemmañ | kemmañ ar vammenn]Liamm diavaez
[kemmañ | kemmañ ar vammenn]
|
Porched Breizh – Adkavit pennadoù ha rummadoù Wikipedia a denn da Vreizh. |