Лебяда

Лебяда
Лебяда белая (Chenopodium album)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Аксамітнікавыя Падсямейства:  Лебядовыя Трыба:  Лебядовыя Род:  Лебяда
Міжнародная навуковая назва
Chenopodium L., 1753
Сінонімы
Ambrina Spach Meiomeria Standl. Morocarpus Boehm.
Тыпавы від
Chenopodium album L. — Лебяда белая
Сістэматыка на Віківідах Выявы на Вікісховішчы ITIS   20589 NCBI   3558 EOL   37754 GRIN   g:2448 IPNI   6812-1

Лебяда (Chenopodium) — род кветкавых раслін сямейства лебядовых.

Апісанне

Адна-, радзей шматгадовыя травяністыя расліны і кусцікі. Лісце чаргаванае, пераважна надрэзана-зубчастае, часта пакрытае, як і сцёблы, мучністым налётам. Кветкі двухполыя з зялёным калякветнікам, сабраныя клубочкамі ў коласападобныя або мяцёлчатыя суквецці. Плод — арэшак.

Распаўсюджанне

Уключае каля 100 відаў, распаўсюджаных ва ўмеранай і субтрапічнай зонах абодвух паўшар'яў. Найбольшая колькасць гаспадарча значных відаў паходзіць з заходніх і цэнтральных штатаў ЗША і ўнутраных раёнаў Аўстраліі. На Беларусі найбольш вядомая лебяда белая (Chenopodium album).

Выкарыстанне

Харчовыя, кармавыя, лекавыя, тэхнічныя, інсектыцыдныя і дэкаратыўныя расліны; некаторыя ядавітыя.

Літаратура

• Лебяда // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 176. — 10 000 экз. — ISBN 985-11-0035-8. — ISBN 985-11-0155-9 (т. 9).
• Chenopodium L. — Марь // Определитель высших растений Беларуси (руск.) / Под ред. В. И. Парфёнова. — Мн.: Дизайн Про, 1999. — С. 82—85. — 472 с. — 1 000 экз. — ISBN 985-6182-78-6.