Zwicka

Da Zwicka (dt.: Zwicker) is a Brüün ohne Bigl. Sowos wiad iwaran biegsauman Steg zwischn de Glasln, dea wos fedat, auf de Nosn zwickt. Woaundas, äussa meah im Noadn, do sogns Kneifer dazua, des kummt ausn franzesischn: pince-nez (Nasenkneifer).

Trogn is sowos wuan bis zum Aufaung vom 20. Joahhundat, meistns hod mas gseng in da Owaschicht und im ghobanan Biagadum. Do hoz zwoa scho Biglbrüün gem, trotzdem haum de Maunna vo dera Schicht soichane Zwicka trong, do wia des woahscheinlich a Oat Mode. De Fraun von eahna haum am liabstn a Lorgnon vawendt, waunns mid de Augn marod woan.

Schau aa

Monokl

Im Netz

Commons: Zwicker – Sammlung vo Buidl, Videos und Audiodateien

Beleg