Gijón Baloncesto

Gijón Baloncesto
Situación
Estáu	España
Datos
Tipu	club de baloncestu
Fundáu en	1982
Desapaecíu en	2009
Instalaciones
Estadiu	Palaciu de Deportes de Xixón
Capacidá	5058
Inaugurao	1992
	;

El Xixón Baloncestu foi'l primer club de baloncestu profesional de la ciudá de Xixón, n'Asturies, que llegó a la máxima categoría nacional, l'ACB. Enantes llegó a ser el club decanu de la Segunda División Nacional.

Fundárese en 1982 y esi mesmu añu quedó campeón del su grupu na 2 División ya ascendió a 1ªB (segunda división nacional) al ganar al Melilla. Tras dellos años na segunda divisón nacional en la temporada 95/96 consiguió'l so primer ascensu a l'ACB onde sólo permaneció una temporada. Nel 99 ascendió a l'ACB y permaneció nella 3 temporaes. El su descensu a la LEB (2ª División) marcó'l aniciu del su fin. Con, cada vegada, mayores problemes económicos, que incluyeron la desapaición de les sus categoríes inferiores, finó eslleiéndose tras la temporada 2008/2009 na LEB Plata (3ᵉʳ División).

Historia

En 1982 un grupu d'aficionaos al baloncestu consiguieron crear el primer club profesional de baloncestu de Xixón . Emprendería la su andadura na Segunda División nacional, ocupando la plaza del Grupu de Cultura Cuadonga, xugando nel pabellón de l'Arena nuna temporada triunfal que completó l'ascensu ante'l Melilla. El so pasu por esta división fue estensu llegando a ser el decanu de la categoría. Tras dellos años bregando, con cambéu de pabellón incluyí en 1992, consiguió l'ascensu nun playoff celebráu nel Pabellón de Deportes de La Guía.

El equipu campeón del 95 tenía por presidente a Tino Grana, de direutor deportivu a Emilio de Diego, d'entrenador a Bill MacCammon y la plantía taba formada por: David Fernández, Sergio Cortés, José Luis Casaprima, John McDowell, Arturo Cavero, Paco Gómez, Borja Fernández, Toño Grana, 'Vallecas' Hernández, Roberto Carbajal, Juanjo Meana y Pablo Noguero.

Na primer temporada d'un club de baloncestu asturianu na máxima categoría nacional, l'ACB, nun pudo evitase'l descensu anque se consiguiera ganar al Real Madrid na su visita a la ciudá. Tras el descensu, hai que esperar sólo dos años pa tornar a l'ACB onde compite tres campañes consecutives. Esti segundu y últimu ascensu tien como protagonistes, ente otros, al entrenador Moncho López y al ala-pivot arxentín Luis Scola. El téunicu acabaría convirtiéndose en seleccionador nacional y el xugador suda-mericano milita anguaño na NBA colos Houston Rockets.

Cola cayida a la LEB en 2002 apínense les mancadures económiques del club, tresformáu en Sociedá Anónima Deportiva nel añu 2000. La socesiva fuga de patrocinadores y la mediocridá nes resultancies van dexando ensin aire al Xixón Baloncestu. El so conseyu d'alministración confirmó en setiembre de 2009 que'l club nun disponía de los dineros necesarios pa competir na próxima campaña na LEB Plata. Empecípiase esí la disolución tras 27 años d'historia

Patrocinadores Destacaos

Iveco, Trébol, Lagisa, Cabitel, Isastur, Calefacciones Farho y Viopisa, ente otros.

Xugadores importantes na historia de la entidá

Brad Sellers, Mike Smith, Luis Scola, Josep Cargoll, Tomás Llofresa, Óscar Yebra, José Ramón Esmorís, Sául Blanco y Lou Roe, ente otros.

Uniforme

Blancu y colloráu (colores representativos de la ciudá) y dalgunos años azul y mariellu (los d'Asturies).

Fundación Xixón Baloncestu

En 2004 creóse la Fundación Xixón Baloncestu pa, ente otres xeres, dixebrar el deporte base del profesional y esí poder trabayar más a llargu plazu cola mocedá. Na actualidá el so presidente ye Pedro López Ferrer.

Ver tamién

El Xixón Baloncestu empecipicia la so lliquidación (El Comercio)

Referencies

Enllaces esternos