An Dáan nga Ginsabutan amo an syahan nga bahin han Kristiyano nga Bibliya nga panguna nga nakabase tikang ha Ebreo nga Bibliya (o Tanakh), usa ka katitirok hin kadaan nga mga panurat panrelihiyon han mga Israelita nga gintutuohan han kadam-an nga mga Kristiyano ngan relihiyoso nga Hudyo han pagigin baraan nga Pulong han Diyos. An kalingit hini amo an Bag-o nga Ginsabutan, an ikaduha nga bahin han Kristiyano nga Bibliya. An mga libro nga nagbubug-os han canon nga Dáan nga Ginsabutan in nagkakadurudilain ha mga Singbahan Kristiyano pati liwat an ira pagkasunodsunod ngan mga ngaran. An kasagaran canon han Protestante in may-ada 39 ka mga libro, an canon han Katoliko may-ada 46 ka mga libro, ngan an mga canon han mga Singbahan nga Sinirangan Ortodoxo ngan Oriental Ortodoxo in maabot hin 51 ka mga libro.
