veler

Walon (Rifondou)

• 
• 
• 

Etimolodjeye

Bodje « vea » (avou rissourdaedje etimolodjike ea => -l-) ey avou l’ cawete di codjowaedje « -er » des viebes.

Viebe

Djin et tins	Codjowa
Cåzant Ind. pr. (dji, dj’)	vele
Atôtchî(s) Ind. pr. (vos, vs)	velez
Cåzants Ind. pr. (nos, ns)	velans
Rwaitants Ind. pr., nam. (i/il, ele/elle)	velnut
Cåzant Ind. fut. (dji, dj’)	velrè
Cåzant D.I.E. (dji, dj’)	veléve
Cåzant Suddj. pr. (ki dji, dj’)	vele
pårt. erirece (dj’ a, vos av)	velé
Ôtes codjowaedjes	come bouter

veler (v. sins coplemint)

1. (mot d’ zolodjeye) fé s' vea tot djåzant d' ene vatche, d' ene bixhe, motoit eto d' ene gazele, d' ene antilope.
   • Nosse vatche asmete, ele va veler.
   • Elle est lådje del croejhlire, ele velrè åjheymint.
   • Ele ni velrè nén co cisse nute ci.
2. (imådjreçmint) esse plin et schirer, tot djåzant d' on saetch.
   • Si t' metes co vint kilos dins ç' saetch la, i velrè.
3. (mot des cinsîs) mostrer come on gros vinte et crouler, tot cåzant d' ene tcherêye, d' ene moeye di four.
   • Li moye a velé.
   • Li tcherêye a velé.
   • Come ça, li tchèrèye ni vêléve nin so lès cahots dès vîles voyes ki lès pîres si boudjint po lèy dégringoler l’ êwe dè tins d’ orèdje — Fernand Barvaux, Li fènâ mwès do bon vî tins, Singuliers, 1-2009.
4. aveur si tcherêye k' a croûlé tot djåzant d' on cinsî ki tchereye å four.
   • Dj' a velé avå les voyes — Motî Haust (fråze rifondowe).
5. (mot d' costire) (mot d' texheu) piede ses toûs d' fi, tot djåzant d' ene sipoûlêye.
6. (rabaxhanmint) fé èn efant, k' a on laid caractere.

(viebe å coplemint)

1. fé on djonne, tot cåzant d' ene vatche.
   • Les deus vatches avént velé des åmayes: des vatches po tot rade sins boûsse disloyî. — Auguste Laloux, Li ptit Bert (fråze rifondowe).

(v. sins djin)

1. ploure a lavasse.
   • I vele.

(viebe å coplemint)

1. ploure a lavasse.
   • I vele ene boune averdinne.

Parintaedje

• velaedje, veleuse
• velêye, velante
• veleye, velire
• må-velé

Sinonimeye

• (fé on djonne, po des grands roemiants diferins del vatche): fé s' djonne
• (si dischirer, po on saetch trop plin): schirer, xhiyî, sclefer, sboyler
• (toumer e-n ene blesse, po ene moye, ene tcherêye): waguer, si disfé, toumer djus, croûler, si leyî ndaler

Ortografeyes

Après 1900, foû rfondou (Feller, Feller ricandjî, nén Feller) :

• vêler : C107, E1, E34, S0
• vêlè : C8
• véler : O4

E rfondou walon :

• veler : R9 ^(lére), R10 ^(lére)

Ratournaedjes

fé on vea

• Arabe marokin : ولدات ^(ary) = ولّدات =‎ weldat (elle a velé)
• Almand : kalben ^(de)
• Inglès : to calve ^(en)
• Francès : vêler ^(fr), mettre bas ^(fr)
• Neyerlandès : kalven ^(nl)

si dischirer, po on saetch trop plin

• Francès : s’éventrer ^(fr), craquer ^(fr), se déchirer ^(fr)

si disfé, po ene tcherêye, ene moye

• Francès : s’éventrer ^(fr), culbuter ^(fr), crouler ^(fr), s’affaisser ^(fr)