维基百科

利玛窦

利玛窦（意大利语：Matteo Ricci，[matˈtɛːo ˈrittʃi]；1552年10月6号－1610年5月11号），意大利籍天主教耶稣会神父，天主教耶稣会勒中国传教个开拓者之一。俚绘制个《坤舆万国全图》头一趟拿欧洲地理大发现个成果介绍到东亚地区。天主教会勒1984年授畀俚天主之仆称号。

利玛窦

利玛窦勒1582年抵达澳门开始仔俚勒中国个传教。俚勒1601年获准居住北京，并为明神宗一朝提供天文搭历法方面个咨询。俚也是第一位进入紫禁城个欧洲人。利玛窦个信徒中有交关著名个公卿大臣，其中包括俚个同事，也是后首来影响顶大个、进士出身个翰林徐光启。利玛窦搭徐光启合作首次翻译了欧几里得个《几何原本》中文版本以及交关拉丁文版个儒家经典著作。

早年

编辑

1552年10月6日，利玛窦生勒教皇国马切塔拉城（现属意大利马凯尔大区）。俚勒家乡接受传统教育，之后勒罗马学了两年法律。利玛窦於1571年4月勒耶稣会主办个罗马学院学习期间加入了耶稣会，同时勒克里斯托佛•克拉乌神父个指导下学习哲学，数学，宇宙学，搭天文学。1577年获准前往远东传教。利玛窦一行勒1578年3月从里斯本启程，并勒同年9月抵达葡萄牙勒亚洲顶重要个殖民地--印度果阿邦。俚勒果阿当地传教四年并且勒当地神学院还学习人文学科，直到1582年应召前往中国。利玛窦勒1582年8月7日抵达澳门。[1]

利玛窦勒中国

编辑
 
利玛窦从澳门去北京个路线

勒利玛窦达到澳门个辰光，基督教派勒中国个传教活动仅仅局限勒澳门。利玛窦抵到澳门个三年前（1579年），基督教派个传教士还朆系统学过中文，迭种情况直到澳门圣保罗学院个创始人范礼安搭罗明坚（明朝以来第一位进入中国大陆个西方传教士）开始计划勒中国大陆进行传教之后才有所改观。[2]

利玛窦勒澳门当地努力学习中文搭相关个风俗文化，箇使得俚成为了第一位掌握汉字搭文言个西方学者。期间俚搭罗明坚游历仔广东个主要城市——广州搭肇庆，以期建立一所澳门之外个耶稣会教堂。[1]

 
《坤舆万国全图》 利玛窦应万历皇帝个要求勒1602年绘制详尽个彩页版《坤舆万国全图》（日本片假名音译副本）

利玛窦搭罗明坚勒1583年获得肇庆知府王泮个准许入驻肇庆。利玛窦勒肇庆留驻至1589年直到畀新一任个广州总督刘继文驱逐脱。勒肇庆期间（1584年）利玛窦绘制了第一幅中文版本个欧式世界地图。尽管1584年版个地图嘸沒流传下来，1602年个六份复刻版本个地图得以保存至今。[3][4]

勒肇庆期间利玛窦搭罗明坚编纂了一部葡中对照字典，箇是第一部担汉字翻译成拉丁字母个字典。1934年字典抄本勒罗马耶稣会存档裏向畀发现，后首来勒2001年出版。[5][6]

目前肇庆市造仔“利玛窦纪念中心”[7] 以纪念利玛窦勒肇庆箇六年个传教工作。

离开肇庆之后利玛窦获准移居至韶州（乃朝叫韶关）并勒此地继续传教。勒韶州，利玛窦攻读仔《四书》，并首次擔渠译为拉丁文。为了更方便与中国个官员交往，勒征得范礼安个同意后，从1594年起，利玛窦开始蓄发留须，并着起仔俚歇头儒士个服装。[8]

1595年利玛窦借口帮一位北上任职官员之子治病，而获得了去南京个机会。之后俚折返南昌，并获得批准在此居住。1597年8月利玛窦畀范礼安任命为耶稣会中国教区个负责人，由利玛窦全权负责勒中国个传教活动。1598年利玛窦移居通州并勒9月7日第一趟到北京去。但当时辰光正值万历援朝之役，利玛窦无法获得觐见个机会，仅住了两个号头，乃末只好返回，次年再度到达南京搭南直隶首府苏州。[9]

1598年冬，利玛窦勒耶稣会同事郭居静个帮助下头编纂了另一本葡中字典，对于中文个音节以罗马字搭变音符号畀出了详尽个注释。然而迭本字典朆能够流传下来。[5]

勒1601年利玛窦受邀成为了明神宗个宫廷顾问，俚也是第一位畀邀请进入紫禁城个西方人。迭份荣誉主要是基于利玛窦个科学知识，勒成功预测仔一趟日食之后俚成为了有名个人物。[10]利玛窦勒北京建立了第一座天主教堂——宣武门天主堂。[11]俚能够自由出入紫禁城，尽管俚搭近乎隐居个明神宗朆谋面歇，皇帝给予个津贴搭支持使得利玛窦完成了第一部欧洲地理学著作《职方外纪》个中文翻译工作。[12]

获得勒北京长居个许可之后利玛窦广泛结交公卿大臣搭士大夫，并使得其中一点人转而信奉天主教。勒一趟俚称为非常成功个布道当中利玛窦说服了万历援朝之役中个将领，同时也让著名风水师个李应试改信天主教。李之后给予耶稣会长期个帮助。[13][14]

利玛窦是第一位知晓开封犹太人存在个欧洲人[15]，勒拉开封个犹太人社区勒1605年联络俚之后。尽管利玛窦本人朆造访歇开封，但俚派出了年轻个神父访问伊面𡍲。事实浪当地个犹太拉比准备擔职位交畀利玛窦，衹要俚放弃脱喫猪肉，不过利玛窦弗接受。[15]

1610年5月11日利玛窦病逝于北京，享年57岁。伊歇明朝政府个惯例是，殁勒中国个外国传教士必须迁回澳门墓地下葬。为仔让利玛窦能够安葬勒北京，借此来认可教会搭天主教勒中国个合法存在，耶稣会庞迪我神父向明神宗上疏，希望能破例赐地埋葬利玛窦。迭份上疏老快得到了万历皇帝个批准。1610年10月，利玛窦迁葬勒万历皇帝所赐个二里沟个滕公栅栏。[16]朝后起交关传教士，包括南怀仁搭汤若望也侪安葬于此。至19世纪末，安葬于滕公栅栏个欧洲传教士已逾百名。利玛窦墓乃朝勒拉北京行政学院内。

利玛窦中国教区负责人个职位由龙华民神父接任。龙华民委托另外一位耶稣会神父金尼阁擔利玛窦个著述编译成拉丁文。迭些著述勒1615年以《耶稣会在中国个传教》为名出版并畀翻译成多国文字。[17]

利玛窦搭中国文化

编辑
 
着传统儒家服装个利玛窦

利玛窦能熟练读写中国文言，箇是当时官员以及士大夫们使用个语言。总体而言俚对中国文化表示欣赏，但有记录显示俚对广泛存在勒北京个妓院表示谴责。搭俚勒南亚个经历弗同，利玛窦发现中国文化搭儒学紧密联系，乃末决定运用中国文化当中已有个概念去诠释基督宗教。俚朆拿宗教信仰诠释为西方个或者对于中国人而言是全新个，而是表示中国文化搭人民长期以来是信仰神个，基督教只是帮助俚笃坚定自家个信仰而已。俚认为中国传统个“天”搭“上帝”本质上较天主教所话个“唯一真神”并无分别，主张以“天主”称呼天主教个“神”。而祭祀祖先搭孔子，迭些只属追思先人搭缅怀哲人个仪式，本质浪并嘸沒违反天主教教义。道明会搭方济各会个传教士觉着嚜利玛窦偏离得忒远，向梵蒂冈申诉利玛窦等人允许中国教徒崇拜祖先，违背了天主教教义。道明会传教士建议教皇派特使到中国晋见康熙皇帝，要求更改利玛窦规矩以排除容许中国传统个传教方式，搭康熙争辩。康熙认为“弗可理喻”，强令传教士遵从，否则逐回。此即之后个中国礼仪之争事件。[18][19]

正如勒印度个发展一样，基督教中欧洲文化个强调几乎导致了中国天主教会传教活动个结束（康熙帝于礼仪之争事件后禁止天主教在华传教活动），不过勒四川搭其他一些地方基督教社区仍然保留了下来。[18]

勒徐光启个协助下头，利玛窦第一趟成功拿一系列儒家经典翻译成拉丁文。

利玛窦勒北京期间还擔天主教经典搭西学传授畀了一位朝鲜派来明朝个特使，李睟光。利玛窦赠与个西学书籍帮助了第一本朝鲜百科全书《芝峰类说》个编写以及朝鲜半岛实学运动个发展。[20][21]

册封

编辑

天主教会勒1984年授予俚天主之仆个称号。天主教会马切拉塔教区勒2011年1月24日开始对利玛窦神父列真福品进行审理。[22][23]教区阶段个审理已於2013年5月10日完成，后续审理已於2014年已交至梵蒂冈。

相关纪念

编辑

以下场许以利玛窦个名义命名

 
利玛窦墓
  • 利玛窦与太平洋研究室，台湾国立中央图书馆
  • 利玛窦堂[24]，是香港大学个一所天主教男宿舍，1929年由耶稣会建立。
  • 香港九龙华仁书院利玛窦楼
  • 马尼拉典耀大学马泰奥利玛窦堂[25]
  • 马泰奥利玛窦学院[26]，勒香港九龙
  • 西雅图大学马泰奥利玛窦学院，[27]
  • 马泰奥利玛窦学院[28]，勒澳门
  • 利玛窦纪念高中，勒印度尼西亚雅加达
  • 台湾利玛窦书院
  • 澳门利玛窦书院[29][30]
  • 旧金山大学利玛窦中西文化历史研究院[31]
  • 福特汉姆大学马泰奥利玛窦研讨会[32]
  • 首尔西江大学利玛窦楼[33]
  • 费尔菲尔德大学利玛窦楼

梵蒂冈博物馆勒利玛窦逝世400周年个辰光举办了大型纪念展览活动。意大利勒2009年拍摄了一部60分钟个关于利玛窦个纪录片《马泰奥利玛窦：耶稣会修士在中国》。[34][35]

台湾利玛窦书院搭台湾国立中央图书馆利玛窦与太平洋研究室勒2010年6月发行特刊以纪念利玛窦逝世400周年，耶稣会修士魏明德为主编。[36][37]

 
东亚地图，利玛窦，1602

《天主个真谛》

编辑

勒《天主的真谛》一书裏向利玛窦声称儒学搭基督教并非对立，勒一眼关键概念浪具有相似性。利玛窦以此勒中国官员搭士大夫之间传教。迭种诠释也引起了俚搭其他耶稣会修士之间关于基督教信仰个争议。

彼得潘认为耶稣会修士勒越南个传教当中使用仔《天主个真谛》。1631年两位耶稣会派遣至越南个传教士曾经勒河内分发《天主个真谛》一书。迭本书对于后期个新教传教士也有得一定影响。[38]

著作

编辑
  • 《耶稣会在中国个传教》
  • 《坤舆万国全图》
  • 《幾何原本》

参考文献

编辑
  1. ↑ 1.0 1.1 Brucker, Joseph.
  2. ↑ Gallagher (trans) (1953), pp. 131-132, 137
  3. ↑ Baran, Madeleine (December 16, 2009).
  4. ↑ "Ancient map with China at centre goes on show in US".
  5. ↑ 5.0 5.1 Yves Camus, "Jesuits' Journeys in Chinese Studies" 档案，存勒互联网档案馆当中。（2015年9月24号）
  6. ↑ "Dicionário Português-Chinês : 葡汉辞典 (Pu-Han cidian): Portuguese-Chinese dictionary" by Michele Ruggieri, Matteo Ricci; edited by John W. Witek.
  7. ↑ "Ricci Memorial Centre".
  8. ↑ Gallagher (253), pp. 205-227
  9. ↑ Dehergne, 219.
  10. ↑ Chan Kei thong.
  11. ↑ (Chinese) "The Tomb of Matteo Ricci" Beijing A Guide to China's Capital City Accessed 2010-10-05
  12. ↑ Li, Zhizao (1623).
  13. ↑ Gallagher (trans) (1953), pp. 433-435
  14. ↑ Engelfriet, Peter M. (1998), Euclid in China: the genesis of the first Chinese translation of Euclid's Elements, books I-VI (Jihe yuanben, Beijing, 1607) and its reception up to 1723, BRILL, p. 70, ISBN 90-04-10944-7 
  15. ↑ 15.0 15.1 White, William Charles.
  16. ↑ "The Tomb of Matteo Ricci".
  17. ↑ Mungello, David E. (1989)
  18. ↑ 18.0 18.1 Franzen 324
  19. ↑ See Wikipedia article, Chinese Rites controversy
  20. ↑ National Assembly, Republic of Korea: Korea History
  21. ↑ Bowman, John S. (2000).
  22. ↑ "Father Matteo Ricci's beatification cause reopened"
  23. ↑ "Diocese to re-launch beatification cause for missionary Fr. Matteo Ricci"
  24. ↑ http://www.hku.hk/ricci/
  25. ↑ Archive copy. 原始文档勒2012-12-21存档. 访问日脚2016-10-09.
  26. ↑ web.mrck.edu.hk. 原始文档勒2013-05-31存档. 访问日脚2016-10-09.
  27. ↑ Archive copy. 原始文档勒2012-09-11存档. 访问日脚2016-10-09.
  28. ↑ http://www.ricci.edu.mo/
  29. ↑ riccimac.org
  30. ↑ "The Macau Ricci Institute 澳門利氏學社"
  31. ↑ Archive copy. 原始文档勒2010-02-27存档. 访问日脚2016-10-09.
  32. ↑ Archive copy. 原始文档勒2014-10-16存档. 访问日脚2016-10-09.
  33. ↑ Archive copy. 原始文档勒2009-05-12存档. 访问日脚2016-10-09.
  34. ↑ "A Jesuit in the dragon's kingdom" 档案，存勒互联网档案馆当中。（2016年1月18号）
  35. ↑ Category: Focus: The Legacy of Matteo Ricci (2010-05-20).
  36. ↑ Category: Focus: The Legacy of Matteo Ricci (2010-05-20).
  37. ↑ "June 2010" 档案，存勒互联网档案馆当中。（2016年1月18号）. www.eRenlai.com.
  38. ↑ Alberts, Tara (2012).

参见

编辑
取自“https://wuu.wikipedia.org/w/index.php?title=利玛窦&oldid=327341”