Marco Polo

Marco Polo (Venesia, 15 de setenbre 1254 - Venesia, 29 de genaro 1324) el xe stà un marcante e esplorador veneto. Insieme co so pare Nicolò e el so barba Maffeo el xe stà on dei primi osidentałi a rivar fin in Sina (che lu el ciamava Catai) longo ła via de ła séda. Ła cronaca del so viajo ła xe contà inte el libro Deuisament dou monde, mejo conosùo come el Miłion. El xe ritegnùo on dei pi grandi esploradori de tuti i tenpi.

Marco Polo

Biografia
Nasimènto	15 de setenbre del 1254 Venèsia (Repùblega de Venèsia)
Mòrte	8 de zenaro del 1324 (69 ani) Venèsia (Repùblega de Venèsia)
Liogo de sepełimento	chiesa di San Lorenzo (it) 45.4373°N 12.3455°E45°26′14.28″N, 12°20′43.8″E
Atività
Canpo de laoro	Viajo, comèrcio, diplomasia, reportage di viaggio (it) e memoir literature (en)
Posto de laoro	Yuan Cina
Laóro	mercante, scritor, viajador, inprendidor, voltamondo, diplomàtego, anbasador, esplorator, memoriałista
Òpara
Òpare in rezalto (1903) The book of Ser Marco Polo the Venetian concerning the kingdoms and marvels of the East (en)
Fameja
Spoxa	Donata Badoer (it) (1300 (Gregorian)–1324)
Fiołi	Fantina Polo (it) , Agnese (en)
Pare	Niccolò Polo (it)
Zenitori	Matteo Polo (it) (zio)
	El Miłion

El viajo

Nicolò e Matteo Polo i xera do fradei venesiani che i traficava spéso con l'Oriente, e inte el 1252 i xera nà star a Costantinopołi, da andove i xe partii inte el 1259 direti verso Est, rivando infine inte el 1266 a Khanbaliq, el vecio nome de Pechin, dove i xe stà risevùi dal Gran Khan dei Mongołi. Tornai na prima 'olta a Venesia, i do fradei i xe ripartii inte el 1271 insieme col fiol de Nicolò, Marco, che el gavea 'pena disete ani, rivando quatro ani dopo a Khanbaliq. I Polo i xe restai in Cina par altri 17 ani, e Marco el xe deentà un streto cołaborador e amigo del Khan, che el lo mandava in mision diplomàteghe in giro par el so inpero, e el se faxea descrìvar da lu łe tere che el gavea visto inte i so viaji e łe storie che el gavea sentìo.

Dopo el so ritorno a Venesia inte el 1295, Marco Polo el xe stà ciapà dei Xenovexi durante un scontro naval, e el xe stà tegnù prigioniero par calche mexe, durante sto periodo de tenpo el ga detà ła storia del so viajo a fra' Rustichello da Pixa, che el la ga scrita inte el Miłion.

Controversie

In Croàsia se dixe che Marco Polo sia nasuo inte l'ixoła dalmata de Curzoła e donca el xe croato. No ghe xe parò nisuna evidensa storica de sto fato.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Marco Polo
• el detien schemi gràfeghi so