Maikammer

Basisdate
Dialekt:	Rhoifrängisch
Hääptvariant:	Pälzisch
Bunnesland:	Rhoilond-Palz
Landkrääs:	Siedlischi Woischdrooß
Vabandsgmäänd:	Maikammer
Heche:	151 m ü. NHN
Fleche:	13,7 km²
Aiwohner:	4198 (31. Dez 2010)
Bevelkerungsdicht:	307 Eiwohner je km²
Boschtläätzahl:	67487
Voawahl:	06321
Kfz-Kennzääche:	SÜW
Gmäändschlüssel:	07 3 37 052
Adress vun de; Gmäändvawaltung:	Immengartenstraße 24; 67487 Maikammer
Websait:	www.maikammer.de
Ortsbürgermeister:	Karl Schäfer (CDU)
Laach vun de Ordsgemoinde Maikammer in Rhoilond-Palz
	Kard

Maikammer (aa Maikomma) is e Ordsgemä un an Woi- un Erholungsord im Sidweschde vun Daitschlond in de Palz sidlich vun Naischdad on de Woistroß.

Geografischi Laach

Uff äner He von 120 bis 300 m am Fuss vun de Kalmit, des is die hegschd Erhebung vum Pälzerwald (673 m) gelesche, lischt Maikammer in äner vun Rewe umgäwene Landschafd.

Klima

Wechem milde Klima waxen do newer de Rewe exodische Frichte wie Kiwi, Zidrone, Manlle un Keschde.

Geschichde

Relischion

2007 waren 58,9 Prozend vun de Oiwohner kadolische un 23,1 Prozend evangelische. Die iwerige hän ennerer onere Relischion okert oder garkennerer.

Politik

Gemäneradt: De Gemäneradt vun Maikammer beschdedt aus 20 Radsmidglieder, die sin bai de Wahle am 07. Juni 2009 gewäldt worre, un dem ehreamdliche Ordsbürgermaischder als Vorsitzender.

Wabbe

S Wabbe häst: In schwaz e goldenes Gemargungszaiche in Form vun ämme schdaichende Pfail, der in emme Kraiz ended. Des Wabbe is vun emme bayerische Raichsstatthalder genämichd worre un ged uff a Siechel vun 1743 zurig.

Bauwerge

Die Alschderweilerer-Kabell mit dem "Maikammerer-Alda" un äme schpädgodische Triptychon. S Aldabild zäld zu dene wenische noch erhaldene Baischbiele vun godischer Dafelmolerai in de Palz. So um 1445 ferdisch gemachd, is er a werdvolles Zaichnis vun oberrhainischer Molerai.

Donn gibt s noch de Efinder vum klabbare Meder. Der hod jetzd a Denkmol.

Sport

Näwer hisdorischem hod Maikammer noch a behaizdes Fraibad un a Rieserudsch, a Open-Air-Hal mid vier Tennisplädz (Kunschdrase mid Quardzsond) un vier Squasch-Kurts. Waidere spordliche Hailigds die nai gebaud Kalmithall un de Kunschdrase, uff dem de TuS Maikammer Fußball schbield.

Regelmäsische Veroschdaldunge

Maifeschd
Woikerwe
Mineraldache Maikammer
Gademargt
Brunnekerwe (Alschderweiler)

Verkehr

Audobohnoschluß Edekowwe zu de A 65 in de Näh mid direkde Uff- un Abfahrde in Richdung Karlsruh (Gälfiesler) bzw. Ludwigshafe/Monnem.

Beherde

In Maikammer is ach die Verbondegemändeverwaldung. Di Verbondsgemä beschded aus Maikammer, Käwweiler und Made (die mademer sachen Mäkäm) und häßd St. Maiweiler.

Bildung

Johannes-Leonhardt-Grundschule

Persenlichkaide

De Franz un de Anton Ullrich hän de klabbare Meder erfunne (1886).
De General Hartmann war vun Maikammer un stehdt als Denkmol uff em Markdplaz.
De Schdummfilmschdar Zimmermann un de Politigger Jakob Hildenbrand waren ach vun Maikammer.

Websaide

Commons: Maikammer – Sammlung vun Bilder, Video un Audiodataie

Houmpäidsch vunde Väbandsgmää.
Maikamma ufde Said vun deutsche-wein-strasse.de.

Schded un Gmoinde im Londgrais Siedlischi Woischdrooß