Sotana (cler)
|
Quest articol chì l'è scrivud in lombard, con la Noeuva Ortografia Lombarda |
La sotana (o vesta talar, del latin taleus o ben tallon, perchè la vesta di sacerdot sgiudee la rivava lilinscì) a l'è 'na vesta che se meten i religios catolegh, ortodoss, anglican, luteran, i minister ordenad di gese presbiteriane e reformade e i pret de 'na quaj gesa ortodossa oriental. La vegn de la tonega di antigh roman e a partì del secol quell de vint a l'è doperada, soratut a Ocident, squasi domà 'me vestid per la messa o comunque per i ocasion religiose, in la vita de tucc i di se meten el clergyman cont el volzacoll.
Per gesa
ModifegaGesa catolega
ModifegaIn la Gesa catolega, de solit, a l'è negra, ma in di pais cald la po vesser bianca. I boton, che de solit inn 33 per regordà i agn del Cristo, e i cusidure marchen la carega inscì:
- Negher per prevet e seminarista
- Porpora per i capellan de Soa Santità
- Amarant per vescov, pronotari apostolegh e prelad d'onor de Soa Santità
- Ross per i cardinal
- Bianch per el Papa (e 'l Papa Emerit, quand che 'l gh'è)
La po vesser fada pussee sciora con la fascia e la mozzeta, oltra che cont i parament de la vesta coral. El Papa el se met semper una vesta bianca, menter i cardenai ghe l'hann rossa, domà in d'una quaj important ocasion liturgega.
| Papa | Papa emerit | Cardinal | Vescov | Monsignor | Pret, Seminarista |
Gesa anglicana
ModifegaIn la Gesa anglicana de solit i boton a inn 39, a marcà i trentanoeuv articoi, ma el color pussee spantegad a l'è comunque el negher, magara con di color pussee in di bord, anca se i vesch poden metéla vioeula e i canonegh rossa o anca di alter color. Tra l'alter, in la pupart di gese anglicane, anca i laich poden metés la sotana, quand che lensgen la Bibia.
| Vescov | Canonegh (el color el po varià) | Pret, Diacon, Seminarista, Laich |
Gesa ortodossa
ModifegaIn la Gesa ortodossa, ma anca in quella catolega de rit oriental, la gh'è sia la sotana che la se met sota che quella che la se met sora, e de solet se meten tute e du. Rispet a quella di rit ocidentai a l'è pussee granda e pussee libera in sul corp, tant de parè pussee una tunega.
| Vescov | Pret con Zostikon, Kontorasson, e Skufia. |
Pret (maridad) | Ieromonegh (pret minga maridad) | Monegh | Sot-diacon/Diacon |
Gese ortodosse orientai
ModifegaIn del cristianesim ortodoss oriental el ross l'è doperad di patriarca.
| Patriarca siriach | Vescov siriach | Pret copto | Pret siriach | Pret copto e siriach (monegh) |
Protestant
ModifegaI varie confession protestante che doperen la sotana, de solit, la doperen assee piana e negra. In del mond germanigh i prelad pussee in alt, despess, se meten anca la goriglia insema a la sotana, 'me parament.
| Vesch | Pastor de la Norvegia | Pastor |
Riferiment
ModifegaAlter proget
ModifegaWikimedia Commons el gh'ha dent imagin o alter archivi su Sotana (cler)