Carolus Michel
Carolus, vulgo Charles Michel (Namurci natus die 21 Decembris 1975) est politicus Belgiae et ab anno 2014 primus minister patriae.
Filius est politici Belgici et Europaei Ludovici Michel, qui minister rerum externarum annis 1999-2004 meruerit. Carolus Michel alumnus est Universitatis Liberae Bruxellensis et Universitatis Amstelodamensis, ubi iuris prudentiae studuit laurasque anno 1998 nactus est. Iuris consultus Bruxellis in urbe factus est, sed iam ab iuventute sodalis fuerat Motus Reformatoris et anno 1999 ad parlamentum foederale legatus est pro Brabantia Wallonica (regione illius factionis fautore). Anno insequenti minister rerum internarum rectionis Vallonensis creatus est, sed a die 21 Decembris 2007 minister evolutionis cooperativae rectionis Belgiae foederalis. Primis ministris successivis Guidone Verhofstadt, Ivone Leterme, Hermanno Van Rompuy rursusque Ivone Leterme, id officium usque ad 14 Februarii 2011 retinuit, quo die praeses Motus Reformatoris electus est. A die 11 Octobris 2014 primus minister meret, sed die 18 Decembris 2018 dimissionem suam promisit.
Carolus Michel die 2 Iulii 2019 praesidem Consilii Europaei nominatus est quod a die 1 Decembris 2019 efficietur.[1]
Notae
recensereBibliographia
recensere- Daniel Boffey, "Belgian PM Charles Michel resigns after no-confidence motion" in The Guardian (18 Decembris 2018)
- Leo Cendrowicz, "Belgium’s ‘kamikaze coalition’ to be sworn in 138 days after elections" in The Guardian (10 Octobris 2014)
- Roel Wauters, "Michel vs. Reynders: waarom de MR elke keer wat anders zegt" in De Morgen (27 Iunii 2014)
Nexus externi
recensere| Vicimedia Communia plura habent quae ad Carolum Michel spectant (Charles Michel (politician), Charles Michel). |
| Lexica biographica: • Den store danske • Treccani • Store norske leksikon • Большая российская энциклопедия • |
|
Daniel Bacquelaine • Franciscus Bellot (2018–) • Gulielmus Borsus (2014–2018) • Philippus De Backer (2018–) • Margarita De Block • Petrus De Crem (2018–) • Alexander De Croo • Dionysius Ducarme (2018–) • Iacoba Galant (2014–2018) • Conradus Geens • Hoarveus Jamar (2014–2018) • Ioannes Jambon (2014–2018) • Alexander Loones (2018) • Maria Christina Marghem • Carolus Michel • Iohannes Van Overtveldt (2014–2018) • Christophorus Peeters • Desiderius Reynders • Stephanus Vandeput (2014–2018) • Sophia Wilmès (2018–) | |