Olivia de Havilland

Olivia Mary de Havilland (nata Tokii die 1 Iulii 1916; mortua Lutetiae die 25 Iulii 2020) fuit actrix Britanno-Americana, primo partibus puellarum innocentium, deinde partibus maioris momenti nobilis famosissima. Quae, parentibus Britannis nata, cum Ioanna Fontaine, sorore minore et actrice futura, anno 1919 in Californiam migravit. In pellicula Gone with the Wind (1939) partes Melaniae Hamilton egit, et in octo pelliculis cum Errol Flynn apparuit, quarum notissimae sunt The Adventures of Robin Hood (Gesta Roberti Hood, 1938), Dodge City (1939), Santa Fe Trail (Iter in Sanctae Fidei fanum, 1940), They Died with Their Boots On (Qui calceati mortui sunt, 1941). Una ex ultimis actoribus fuit qui in vita ex aetate aurea Ruscisilvensi erat.

Olivia de Havilland Insigne Artium Nationale accipit anno 2008, a praeside Georgio W. Bush concessum.

Olivia de Havilland partes Melaniae in Gone with the Wind agens.

Olivia de Havilland Praemia Academiae actricis optimae consecuta est ob actionem in pelliculis To Each His Own (Unicuique fatum suum, 1946) et The Heiress (Filia heres, 1949). De Havilland et Fontaine sunt soli eorumdem parentium liberi qui praemium optimorum histrionum acceperint ambi.

Religio et civilitas

De Havilland, puella in Ecclesia Episcopali educata, omnem per vitam Episcopaliana mansit. Annis 1970, una ex primis lectoribus femineis in Cathedrali Americana Lutetiensi facta est, ubi in ordinaria lectionum scripturarum rota erat. Etiam senex anno 2012, in maioribus diebus festivis legebat, Christi natali et Pascha non exclusis. "Pensum est quod amo," ait.

Civis Civitatum Foederatarum in re publica avide versata est, ut curis pietatibusque civicis perfungeretur. Cum Factione Democratica consociata, pro Franklino Delano Roosevelt anno 1944 vehementer prensavit.

Pelliculae selectae

• 1939 – Gone with the Wind

Bibliographia

• Horwell, Veronica. 2020. "Dame Olivia de Havilland obituary" in The Guardian (26 Iulii 2020)
• Meroney, John. 2006. "Olivia de Havilland Recalls Her Role -- in the Cold War." Wall Street Journal, 7 Septembris 2006. Editio interretialis.
• Whalon, Pierre W. 2012. "Reading the Bible as a statement of faith." Anglicans Online, 12 Februarii 2012. Editio interretialis.

Nexus externi

Vicimedia Communia plura habent quae ad Olivia de Havilland spectant.

• De Olivia de Havilland in Indice Interretiali Pellicularum (Anglice)