Paul Churchland

Paul Churchland (fæddur 21. október 1942) er kanadískur heimspekingur sem er einkum þekktur fyrir skrif sín um hugspeki. Hann er prófessor í heimspeki við Kaliforníuháskóla í San Diego.

Paul Churchland
Persónulegar upplýsingar
Fæddur	21. október 1942 (1942-10-21)
Svæði	Vestræn heimspeki
Tímabil	Heimspeki 20. aldar, Heimspeki 21. aldar
Skóli/hefð	Rökgreiningarheimspeki
Helstu ritverk	Matter and Consciousness; „Functionalism, Qualia, and Intentionality“; „Eliminative Materialism and the Propositional Attitudes“
Helstu kenningar	Matter and Consciousness; „Functionalism, Qualia, and Intentionality“; „Eliminative Materialism and the Propositional Attitudes“
Helstu viðfangsefni	hugspeki, vísindaheimspeki, frumspeki, þekkingarfræði, gervigreind

Churchland lauk doktorsnámi frá Pittsburgh-háskóla árið 1969 undir leiðsögn Wilfrids Sellars. Hann er eiginmaður heimspekingsins Patriciu Churchland.

Heimspeki

Churchland hefur ásamt eiginkonu sinni verið einn helsti málsvari útrýmingarefnishyggju en samkvæmt henni eru hversdagsleg hugtök á borð við skoðun, geðshræringu og löngun í raun illa skilgreind fræðihugtök; þar af leiðandi ættum við ekki að gera ráð fyrir að slík hugtök verði nauðsynlega hluti af vísindalegri útskýringu á heilanum. Rétt eins og nútímavísindi hafa enga þörf fyrir hugtök á borð við heppni eða nornir til þess að útskýra heiminn munu taugavísindin, að mati Churchland-hjónanna, ekki þurfa á hugtökum á borð við skoðun eða geðshræringu að halda til þess að útskýra starfsemi heilans. Í stæðaninn ætti að nægja að nefna hlutlæg fyrirbæri eins og taugaboð. Churchland bendir einnig á að í sögu vísindanna eru mörg dæmi um hugtök sem hafa verið gefin upp á bátinn svo sem ljósvaki.

Helstu ritverk

Bækur

• Neurophilosophy at Work (Cambridge University Press, 2007)
• On the Contrary (MIT Press, 1998) (ásamt Patriciu Smith Churchland)
• The Engine of Reason, The Seat of the Soul: A Philosophical Journey into the Brain (MIT Press, 1995).
• A Neurocomputational Perspective: The Nature of Mind and the Structure of Science (MIT Press, 1989).
• Images of Science: Scientific Realism versus Constructive Empiricism (University of Chicago Press, 1985).
• Matter and Consciousness (MIT Press, 1984).
• Scientific Realism and the Plasticity of Mind (Cambridge University Press, 1979).

Greinar

Churchland hefur samið fjölda ritgerða sem hafa haft mikil áhrif innan heimspekinnar.

• „Some Reductive Strategies in Cognitive Neurobiology“, Mind 95 (1986).
• „Reduction, Qualia and Direct Introspection of Brain States“, Journal of Philosophy 82 (1985).
• „Staking the Wild Epistemic Engine“, Nous 13 (1983).
• „The Anti-Realist Epistemology of Van Fraasen's The Scientific Image“, Pacific Philosophical Quarterly 63 (1982).
• „Functionalism, Qualia, and Intentionality“, Philosophical Topics 12 (1981).
• „Eliminative Materialism and the Propositional Attitudes“, Journal of Philosophy 78 (1981).
• „The Logical Character of Action Explanations“, The Philosophical Review 79 (1970).

Tenglar

• Vefsíða Pauls Churchland Geymt 16 desember 2007 í Wayback Machine