Linguage

Le linguage o lingua es le base de communication inter esseres. Illo es un systema de expression (possibilemente verbal) usante terminologia commun inter un gruppo de personas, o symbolos formalisate, signos, etc., usate como medio de communication human (o altere esseres). Ben que le plus commun usage de 'linguage' significa communication parlate per humanos, lingua tamben pote esser un lingua scribite, un lingua de signos, o un linguage de programmation.

Linguage
instantia de: aptitude[*]
subclasse de: languoid[*]
parte de: Communication
Commons: Language

Le familias linguistic del mundo; le linguas europee majormente diffuse a nivello native son le neolatino rubie, le germanico azur e cyanee, e le slavo albe.

Le linguages es (explicate de un maniera facile, ben que reducente lor resultatos e importantia pro le formation de nostre mundo) formas de representar cosas.

Le majoritate del vices le termino face referentia al linguages que le humanos usa pro communicar le unes con le alteres, sia linguage parlate, linguage de signos o le linguage empleate in le litteratura, normalmente appellate linguage natural.

Le linguage natural include tote le communicationes animal, includente le linguage human. In le mathematica e in le informatica, per exemplo, le linguages artificial son appellate linguages formal (includente linguages de programmation). Nonobstante, le linguage human ha un characteristica que non se trova in le linguages de programmation: le diversitate.

Le studio del linguages proveni del scientia denominate linguistica, assi como le philologia.

Familias de linguas

Linguas es organisate per linguistas in familias de linguas. Le plus grande familia, in terminos de numero de parlatores, es le familia de linguas indoeuropee. Un "familia" es dividite in "gruppos" (como linguas romanic e linguas germanic), que es dividite in "subgruppos" (como linguas iberic). Le systema specific usate con cata lingua varia inter familias de linguas (e a dicer, inter linguistas).

Un utile lista de 4.000 linguas e dialectos (aggruppate secundo relation) con le numeros del un al dece in cata un, se trova a:

• Mark Rosenfelder's Metaverse (in anglese).

Un quasi complete lista de tote le linguas, localisationes, population, e affiliation genetic se trova a:

• Ethnologue.com (in anglese).

Linguas artificial

Articulo plen: linguas artificial

Linguas pote esser create. Le plus notabile es esperanto, que in le prime annos del seculo 1900 quasi se faceva como le "singule lingua mundial." Ha essite create quasi 2.500 linguas, con plure essayos de crear un international lingua auxiliar, e ancora plus de creationes pro diversion.

Linguas formal

In mathematica e in le informatica, un linguage formal, o linguage, es un conjunctura finite catenas de symbolos. Le structura plus basic del linguage es le alphabeto (in nostre cultura occidental), (Conjuncturas de symbolos); un linguage es un subconjunctura de su alphabeto.

Le quatro classes plus commun de linguages forma le hierarchia de Chomsky. Le studio mathematic del linguages ha importante applicationes in le informatica e in le linguistica.

Vide etiam

• Acquisition del linguage
• Alphabeto
• Anglese
• Esperanto
• Grammatica
• Hypothese de Sapir-Whorf
• IALA
• Idioma
• Interlingua
• Interlinguistica
• Latino sine flexione
• Linguage radiophonic
• Linguage de signos
• Linguistica historic
• Orthographia
• Pathologia del parlar
• Philologia
• Philosophia del linguage
• Phonetica
• Phonologia
• Psycholinguistica
• Semantica
• Sev'varannes
• Sociolinguistica
• Systema Braille
• Volapük