Lěwica
Lěwica (němsce Die Linke) je politiska strona w Němskej, kotraž nasta dnja 16. junija 2007 přez zjednoćenje dweju stronow Die Linke.PDS a WASG. Předsydźe staj wot oktobra 2024 Ines Schwerdtner a Jan van Aken. Młodźinska organizacija Lěwicy je Linksjugend ['solid].
| Emblem | |
| |
| Předsydaj | |
 
| |
| Zakładne daty | |
|---|---|
| swójske mjeno | Die Linke |
| kraj | Němska |
| załoženje | 16. junija 2007 w Berlinje |
| předsyda | Ines Schwerdtner a Jan van Aken |
| čłony | 50.000 (staw: 12/2023) |
| młodźinska organizacija | Linksjugend ['solid] |
| adresa | Karl-Liebknecht-Haus Kleine Alexanderstraße 28 |
| webstrona | die-linke.de |
Wot decembra 2014 je Bodo Ramelow w Durinskej prěni zastupjer strony w zastojnstwje ministerskeho prezidenta.
W 20. němskim zwjazkowym sejmje měješe Lěwica prěnjotnje 39 wot cyłkownje 736 sydłow a tworješe tuž najmjeńšu frakciju. Byrnjež njedocpěła 5 % při wólbach, móžeše dźakowano swojim třom direktnym mandatam znowa do parlamenta zaćahnyć. Z wustupom Sahry Wagenknecht a někotrych dalšich zapósłancow w nazymje 2023 zhubi Lěwica status frakcije w sejmje. Po załoženju Zwjazka Sahry Wagenknecht (BSW) 2024 zhubi wona wjele čłonow a wolerjow wosebje we wuchodnej Němskej.
Wot swojeho załoženja 2007 hač do wólbow krajneho sejma 2024 w Braniborskej běše Lěwica jako naslědnica PDS we wšěch wuchodoněmskich krajnych sejmach zastupjena. Na zapadźe sedźa jeje zastupjerjo w parlamentomaj Hamburga a Bremena.