Lluís Miró i Doñate

Lluís Miró i Doñate

Biografía
Nacemento	3 de marzo de 1913 Barcelona, España
Morte	15 de setembro de 1991 (78 anos) Barcelona (España)
Actividade
Ocupación	futbolista, adestrador de fútbol
Deporte	fútbol
Posición de xogo	Gardameta
Traxectoria   Equipo 1930–1933 UE Sants 1933–1935 FC Cartagena 1933–1936   Real Murcia 1939–1943   FC Barcelona 50 (0)   Selección nacional 1940–1941   Cataluña   Adestrador –   FC Barcelona 1949–1952 UE Sants 1952–1953 CE Sabadell 1952–1953 Terrassa Olímpica 2010 1953–1956   Real Valladolid 1956, 1958–   Valencia CF 1959–1959   Celta de Vigo 1959–1961   Sevilla FC 1961–1961   FC Barcelona 1962–1963 Olympique de Marsella 1964–1965   AS Roma 1965–1966 Club Deportivo Málaga

Lluís Miró i Doñate, nado en Barcelona o 3 de marzo de 1913 e finado na mesma cidade o 15 de setembro de 1991, foi un futbolista e adestrador de fútbol catalán que xogaba na dermarcación de gardameta.

Traxectoria

Comezou a xogar no Sants e pasou polo Cartagena FC e Real Murcia antes de fichar polo FC Barcelona, co que disputou 99 encontros en catro tempadas. Un dos mellores momentos foi a final da Copa de España que gañou o Barcelona ante o Athletic de Bilbao en 1942.

Como adestrador comezou dirixindo ao Terrassa FC pero axiña pasou a equipos de gran tradición como CE Sabadell. En 1953 fichou polo Real Valladolid, onde militou tres tempadas. De 1956 a 1958 dirixiu o Valencia CF. Ao rematar o seu vínculo co club fichou polo Celta de Vigo substituíndo a Luís Casas Pasarín para tentar evitar o descenso a Segunda División, obxectivo que non cumpre e polo que deixa Vigo para fichar polo Sevilla FC.

En Sevilla, o primeiro ano logra un cuarto posto no torneo regular. Porén, o segundo ano foi o último debido ao mal xogo e aos resultados que o levaron a non rematar a tempada.

En xuño de 1961 supliu a Enrique Orizaola á fronte do cadro de xogadores do FC Barcelona, experiencia moi curta, xa que dimitiu en novembro dese mesmo ano ao non acadar os resultados desexados.

Foi un dos primeiros adestradores en dirixir no estranxeiro, no Olympique de Marsella e no AS Roma. Volveu a España para adestrar ao seu último equipo, o CD Málaga.

Tamén foi internacional coa Selección de fútbol de Cataluña entre os anos 1941 e 1942 e presidente do Colexio Catalán de Adestradores unha vez retirado como adestrador.

Véxase tamén

• "Luis Miró: 30 años al servicio del fútbol", El Mundo Deportivo (en castelán)
• "Luis Miró Doñate", El Mundo Deportivo (en castelán)