As Burgas (revista)
| As Burgas | |
|---|---|
 | |
| País | España |
| Lugar | Ourense |
| Lingua | lingua galega |
| Fundación | 1894 |
| Circulación | |
| Frecuencia | 1 semana |
| Na rede | |
 | |
| [ editar datos en Wikidata ] | |
As Burgas foi unha revista editado en Ourense de 1894 a 1895.
Historia e características
[editar | editar a fonte]Subtitulada Literatura e artes, apareceu o 24 de decembro de 1894. A súa periodicidade era semanal e cada número constaba de oito páxinas. A dirección estivo a cargo de Santiago Álvarez de Nóvoa e entre os seus colaboradores estiveron Francisco Álvarez de Nóvoa, Heraclio Pérez Placer, Jesús Rodríguez López, Benito Losada Astray, Filomena Dato e Juan Barcia Caballero, tamén publicou poemas de Rosalía de Castro e Manuel Curros Enríquez.
Xurdiu para fomentar a afección por ler e escribir en galego, e para divulgar a literatura galega, logo da desaparición de O Tio Marcos d'a Portela e A Monteira. O seu contido foi literario e cultural: poesías, relatos curtos, noticias sobre actividades e sobre novas publicacións. Tamén tiña unha sección de actualidade e parrafeos de crítica social e política.
De orientación galeguista, centrada na defensa e promoción do galego e na oposición ao centralismo, foi crítica co nacente rexionalismo: fronte ao "mal chamado Rexionalismo" postularon a necesidade de crear unha Liga Gallega que, como a Lliga catalá, defendese de verdade o país e que tivese por ideario "Todo por Galicia é pra Galicia". Tamén fixo esporádicas referencias burlescas á poesía galega inspirada no celtismo, dirixidas implicitamente contra a obra de Eduardo Pondal.
O proxecto tivo unha vida moi curta, o último exemplar do que se ten constancia é o número 10, do 3 de marzo de 1895.
Véxase tamén
[editar | editar a fonte]Bibliografía
[editar | editar a fonte]- "Burgas, As". Enciclopedia Galega Universal. Ir Indo. 1999-2002. ISBN 84-7680-288-9.
- "Burgas, As". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Vilavedra, Dolores, ed. (1997). Diccionario da literatura galega. Publicacións periódicas II. Vigo: Editorial Galaxia. p. 86. ISBN 84-8288-137-X.
Outros artigos
[editar | editar a fonte]Ligazóns externas
[editar | editar a fonte]- "As Burgas. Literatura e artes" (31/7/2012) Real Academia Galega.
