Pilar Allegue

Pilar Allegue Aguete, nada na Coruña en 1946, é unha filósofa, escritora e política galega.

Pilar Allegue

Biografía
Nacemento	1946 (77/78 anos) A Coruña, España
Actividade
Ocupación	política
Partido político	Bloque Nacionalista Galego
Obra
Doutorando	Xosé Manuel Pacho Blanco
Familia
Cónxuxe	Vicente Vázquez Diéguez
Descrito pola fonte	Gran Enciclopedia Galega Silverio Cañada

Traxectoria

Estudou dous anos de Filosofía e Letras na Universidade de Santiago de Compostela, pero trasladouse a Madrid onde se licenciou en Filosofía e Letras, sección Filosofía, na Universidade Complutense de Madrid en 1968. Foi profesora nunha filial do Instituto Isabel la Católica de Madrid.

En 1973 instalouse en Pontevedra, onde foi concelleira logo das eleccións municipais de 1979 polo Bloque Nacional Popular Galego. Impartiu clases na UNED. En 1983 obtivo unha praza na Universidade de Vigo na que é profesora de Filosofía do dereito. É doutora en Filosofía pola Facultade de Filosofía e Ciencias da Educación da Universidade Complutense de Madrid (1990). Colaborou en Festa da Palabra Silenciada e Política Gallega.

Obras

• A filosofía ilustrada de Fr. Martín Sarmiento, 1993.
• Elementos etimológicos según el método de Euclides (editora), 1997.
• Martín Sarmiento, un intelectual ilustrado, 2001.
• Frei Martín Sarmiento, 2001.

Véxase tamén

Bibliografía

• Gran Enciclopedia Galega Silverio Cañada

Ligazóns externas

• Larriba, Elena. «Eu son do subsolo do Bloque e sempre que me chaman estou», La Voz de Galicia, 1/8/2009.
• Pilar Allegue na páxina web do proxecto Do Gris ao Violeta.