Ian Scheckter

Ian Scheckter, nado o 22 de agosto de 1947 en East London, Suráfrica, é un expiloto de carreiras. Participou en 20 Grandes Premios do Campionato do Mundo de Fórmula 1, debutou o 30 de marzo de 1974. Non anotou puntos de campionato.

Ian Scheckter

Biografía
Nacemento	22 de agosto de 1947 (77 anos) East London, Suráfrica
Educación	Selborne College (en)
Actividade
Ocupación	piloto de Fórmula Un, piloto de automobilismo
Deporte	automobilismo

É o irmán máis vello do campión do mundo Fórmula 1 de 1979 Jody Scheckter e tío do corredor de IRL Tomas Scheckter, as súas primeiras carreiras na F1 foron no Gran Premio de Suráfrica, pilotando primeiro un Lotus 72 para o equipo local Gunston en 1974. O ano seguinte e tamén no 1976, pilotou un Tyrrell 007 para Lexington Racing, e fixo un par de carreiras europeas con Williams.

Na competición nacional Scheckter estivo preto de poñer fin á racha títulos de Dave Charlton no campionato nacional de pilotos de Suráfrica en 1975, pero nos seus dous períodos como competidor a tempo completo dominou o campionato gañando 49 carreiras e igualando a John Love e a Charlton con 6 campionatos.

Asegurou suficientes fondos para unha tempada completa co equipo March de F1, en 1977, pero tivo uns pobres resultados, axudado en gran parte polo feito de que nalgunhas carreiras o equipo March tiña ata cinco pilotos contratados e carecía de recursos para proporcionar coches competitivos a todos eles. Esta situación significou o final da súa carreira na F1. O último Gran Premio de Scheckter ía ser o Gran Premio do Xapón de 1977, pero foi detido e logo expulsado do Xapón debido a que só tiña unha visa de turista no seu pasaporte surafricano e as obxecións xaponesas ao réxime de apartheid surafricano.

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	Pos.	Puntos
1974	Team Gunston	Lotus 72E	Cosworth V8	ARX	BRA	RSA 13	ESP	BEL	MON	SWE	NED	FRA	GBR	ALE							NC	0
	Hesketh Racing	Hesketh 308	Cosworth V8												AUT NSC	ITA	CAN	USA
1975	Lexington Racing	Tyrrell 007	Cosworth V8	ARX	BRA	RSA Ret	ESP	MON	BEL												NC	0
	Frank Williams Racing Cars	Williams FW03	Cosworth V8							SWE Ret	NED 12	FRA	GBR	ALE	AUT	ITA	USA
1976	Lexington Racing	Tyrrell 007	Cosworth V8	BRA	RSA Ret	USW	ESP	BEL	MON	SWE	FRA	GBR	ALE	AUT	NED	ITA	CAN	USA	XPN		NC	0
1977	Team Rothmans International	March 761B	Cosworth V8	ARX Ret	BRA Ret	RSA	USW	ESP 11	MON NSC	BEL Ret	SWE Ret	FRA NC	GBR Ret	ALE Ret	AUT Ret						NC	0
		March 771	Cosworth V8													NED 10	ITA Ret	USA Ret	CAN Ret	XPN