HMS Beagle

O HMS Beagle foi un bergantín da clase Cherokee da Mariña Real Británica botado ás augas do río Támese o 11 de maio de 1820 dende os estaleiros Woolwich; tiña 27,5 metros de eslora, 7,5 metros de manga, 3,8 metros de calado, dez canóns, 235 toneladas de carga e unha tripulación de cento vinte homes.

HMS Beagle
Sección lonxitudinal do HMS Beagle en 1832.
Historial
Clase	clase Cherokee
Tipo	bergantín
Botado	11 de maio de 1820
Asignado	1820
Baixa	Transferido ó servizo de gardacostas en 1845
Destino	Vendido para despedazamento en 1870
Características xerais
Desprazamento	235 t 242 t na segunda viaxe
Eslora	27,5 m
Manga	7,5 m
Calado	3,8 m
Aparello	Bric-barca
Armamento	10 canóns reducido a 6 nas súas viaxes
Propulsión	vela
Tripulación	120 como buque de guerra 65+9 supernumerarios na súa segunda viaxe

En xullo dese mesmo ano tomou parte na Revista Naval de celebración pola coroación do rei Xurxo IV, sendo o primeiro barco en navegar baixo a nova Ponte de Londres, quedando logo na reserva, a flote e atracado pero sen mastros ou aparellos.

Despois foi adaptado como bric-barca e participou en tres expedicións. Na segunda, baixo o mando do comandante Robert FitzRoy, viaxou a bordo o naturalista Charles Darwin cuxo traballo fixo do Beagle un dos barcos máis famosos da historia.

Véxase tamén

Outros artigos

• Segunda viaxe do Beagle

Ligazóns externas

• The HMS Beagle Project Arquivado 26 de agosto de 2013 en Wayback Machine.
• Blog do HMS Beagle Project
• British historical Archive - Fitz-Roy
• Testemuño deixado no cabo de Fornos
• Réplica do HMS Beagle
• Blog oficial da construción da primeira réplica a tamaño real do HMS Beagle