Condado de Vexin

O Condado de Vexin era unha xurisdición feudal de Francia, que desde o 911 se dividiu entre Francia e Normandía.

Escudo de Lois de Francia, conde de Vexin

Condados de Francia sobre 1030.

Condados de Francia sobre 1180.

O Vexin francés

O condado de Vexin aparece arredor do ano 800. O primeiro señor foi Nebelon, da chamada dinastía nebeliana que era fillo de Khildebrand de Borgoña e neto de Pipino de Heristal; o seu fillo Nebelón II xa levou o título de Conde de Vexin.

Lista de condes

• Romualdo sobre 753-764.
• Regnaldo, ?.
• Grifón, contra 790.
• Rifero, sobre 796.
• Nebelón ou Nibelungo I c. 800.
• Nebelón ou Nibelungo II (fillo) c. 840.
• Xeileno (Geilenus) sobre 850-864, conde de Meulan.
• Nibelungo III 864-despois do 879.
• Teodorico I (fillo) sobre 880-886.
• Adelram (II) e Teodorico II, defensores de Pontoise, sobre 886-890, sobriños.
• Walerno I (fillo de Nebelón), Nebelón ou Nibelungo IV (fillo de Walerano), Walerano II, condes á parte de Vexin ou preto de Vexin.
• Ermenfredo de Amiens, conde de Amiens, de Vexin e de Valois antes de 895-919.
• Hildegarda 919-926? (filla).
• Raúl I de Vexin (Raúl I de Ostrevant) conde de Vexin, Amiens e Valois por dereito da súa muller 919-926.
• Raúl II de Vexin, conde de Vexin, Amiens e Valois 926-943 (fillo).
• Gautier I de Vexin contra 943-995 conde de Vexin, Amiens e Valois (irmán).
• Gautier II de Vexin contra o 995, despois do 1017, conde de Vexin, Amiens e Valois (fillo).
• Dreux de Vexin sobre 1020-1035, conde de Amiens e Vexin (fillo).
• Gautier III de Vexin 1035-1063, conde de Amiens e Vexin (fillo).
• Raúl III de Vexin 1063-1074, conde de Valois como Raúl IV (1038) e logo de Amiens e Vexin, primo (o seu pai Raúl III era conde de Valois; Raúl III era fillo de Gautier II).
• Simón de Vexin 1074-1077, conde de Vexin, Amiens e Valois.
• á coroa francesa 1077, agás a parte que posuía o duque de Normandía, que lle foi recoñecida.
• Lois de Francia (máis tarde rei Lois VI de Francia ), conde do francés Vexin 1092-1108.

O Vexin normando

Unha parte do condado de Vexin, situada ao oeste do río Epte, pasou a Rolón, duque de Normandía, en 911. En 1096 construíu o castelo de Gisors como defensa contra o condado francés de Vexin.

En 1149, Henrique II Plantagenet lle cedeu o condado a Lois VII de Francia como pago da súa axuda contra Estevo de Blois. Lois VII cedeulle en 1160 á súa filla Margarida, casada con Henrique o Novo, o fillo máis vello de Henrique II. En 1193 o rei Filipe Augusto ocupouno, pero devolveuno en 1199, aínda que conservou o castelo de Gisors. O 1204 incorporouse con Normandía á coroa francesa.

Lista de condes

• Duques de Normandía 911-1149.
• Lois I de Vexin 1149-1160 (Lois VII de Francia).
• Margarida de Francia 1160-1193 (filla) (+1198).
• Henrique o Novo 1160-1183 (marido).
• Filipe Augusto 1193-1199 (Filipe II Augusto de Francia).
• Xoán sen Terra 1199-1204 (rei de Inglaterra e duque de Normandía).
• Á coroa francesa 1204.

Véxase tamén

• Casa de Vexin.

Ligazóns externas

• Houssemaine, " Os condes de Vexin^{[Ligazón morta]} ", (Notices des Amis du Mantois, n. 6 - 1955)