Combate

Combate, loita, rifa, contenda, pendencia, pugna, pelexa ou liorta, é un conflito violento intencional destinado a estabelecer o seu dominio sobre o opoñente.

Combate naval de Iquique do 21 de maio de 1879 - óleo de Thomas Somerscales, século XIX.

O termo "combate" polo xeral refírese aos conflitos armados ou bélicos entre as forzas militares na guerra, mentres que o termo máis xeral "loita" pode referirse a calquera conflito violento entre individuos ou nacións.

A violencia do combate pode ser unilateral, mentres que a loita implica polo menos unha reacción defensiva. Con todo, os termos adoitan utilizarse como sinónimos, xunto co termo "pelexa". Unha loita a grande escala coñécese como unha batalla.

Un combate pode ter un determinado conxunto de regras ou non estar regulado. Exemplos de regras inclúen os Convenios de Xenebra (que abarcan o tratamento dos soldados na guerra), a cabalaría medieval, as normas do Marqués de Queensberry (que cobren o boxeo) e varias formas de deportes de combate.

O combate na guerra inclúe dúas ou máis organizacións militares opostas, polo xeral a loita entre as nacións en guerra (aínda que a guerra de guerrillas e a supresión da insurxentes poden quedar fóra desta definición). A guerra entra baixo as leis da guerra, que rexen os seus obxectivos e condutas, e protexen os dereitos dos soldados e o non combatentes.

O combate pode ser armado ou sen armas. O combate corpo a corpo é un combate de moi curto alcance, no que se ataca ao opoñente co corpo (dando puñadas, pateando, estrangulando etc.) ou coas armas brancas (coitelos, espadas, bastóns etc.), a diferenza do combate de longo alcance.