José Garabal Louzao

José María Garabal Louzao, nado en Santiago de Compostela en 1835 e finado ibídem o 18 de xuño de 1907, foi un pintor, decorador, copista e restaurador galego.

José Garabal Louzao

Biografía
Nacemento	1835 Santiago de Compostela, España
Morte	18 de xuño de 1907 (71/72 anos) Santiago de Compostela, España
Actividade
Ocupación	pintor, decorador, restaurador
Influencias	Federico Madrazo
Sinatura
Descrito pola fonte	Gran Enciclopedia Galega Silverio Cañada Dicionario biográfico de Galicia Diccionario enciclopédico galego universal

Traxectoria

Formouse con Juan José Cancela del Río. Os pais enviárono a Madrid, onde tivo por mestre a Federico Madrazo na Real Academia de Belas Artes de San Fernando. De volta a Santiago opositou á praza de Debuxo da Real Sociedade Económica de Amigos do País, sen éxito, pois gañoulla Modesto Brocos. Practicou unha pintura romántica e costumista en retratos, paisaxes e pintura relixiosa. Con motivo de senllas visitas reais a Compostela, en 1859 regaloulle unha acuarela do Pórtico da Gloria a Isabel II e en 1887 dúas obras de tipos galegos a Afonso XII. Foi nomeado pintor e decorador da Casa Real.

Destaca o seu traballo na decoración do patio do arcebispo Malvar en San Martiño de Salcedo, a restauración do altar maior da Catedral de Santiago de Compostela e a restauración e decoración do Recreo Artístico e dos cafés "Suízo" e "España" de Santiago de Compostela. Restaurou parte dos cadros do palacio arcebispal a petición do cardeal Herrera.

Galería de imaxes

• 
  Vítor de Saturnino Calderón Collantes. Facultade de Dereito da USC.
• 
  "Numancia" (versión, a escala reducida, da obra homónima de Alejo Vera, do ano 1881), 1890. Colección particular.
• 
  Escena de Romería, 1892. Colección particular.
• 
  Mártir misioneiro ou mártir paúl, 1898. Colección do Concello de Santiago de Compostela.

Véxase tamén

Bibliografía

• "Garabal Louzao, Xosé". Diccionario enciclopédico galego universal 30. La Voz de Galicia. 2003-2004. p. 40. ISBN 84-7680-429-6. 
• "Garabal Louzao, Xosé". Dicionario biográfico de Galicia 2. Ir Indo Edicións. 2010-2011. p. 130. 
• "Garabal Louzao, Xosé". Enciclopedia Galega Universal. Ir Indo. 1999-2002. pp. 467–468. ISBN 84-7680-288-9. 
• Vilanova, Alberto (2005). "Garabal Louzao, José". Gran Enciclopedia Galega Silverio Cañada (DVD). El Progreso. ISBN 84-87804-88-8. 
• López, J. M. (1990). "El Arte Contemporáneo". Enciclopedia temática de Galicia (en castelán) V. Nauta. ISBN 84-278-1210-8. 
• Martínez Vilanova, F. (1998). A pintura galega (1850-1950). Escola, contextualización e modernidade. Xerais. ISBN 978-84-8302-271-9. 

Outros artigos

• Ramón Parada Justel
• Manuel López Garabal

Ligazóns externas

• Listaxe de bibliografía sobre o autor en pintoresgallegos.com
• Museo Virtual Universidade de Santiago de Compostela.