An Tamailis

Is í an Tamailis (தமிழ்) an ceann is tábhachtaí de na teangacha Dráivideacha, is é sin, teangacha bundúchasacha Dheisceart na hIndia. Teanga oifigiúil í i stát Tamil Nadu san India, i Srí Lanca (in éineacht leis an tSiolóinis), agus i Singeapór (in éineacht leis an mBéarla, an tSínis, agus an Mhalaeis).

An Tamailis

தமிழ்
Cineál	teanga nádúrtha agus teanga bheo
Úsáid
Cainteoirí dúchais	75,000,000 (2019)
Á labhairt	Tamil Nadu, Singeapór agus Srí Lanca
Dúchasach do	Sri Potti Sri Ramulu Nellore district (en) , Andhra Pradesh, Karnataka, Kerala, Puducherry (en) , Tamil Nadu, Kandy District (en) , Matale District (en) , Nuwara Eliya District (en) , Galle District (en) , Jaffna District (en) , Mannar District (en) , Vavuniya District (en) , Mullaitivu District (en) , Batticaloa District (en) , Anuradhapura District (en) , Polonnaruwa District (en) agus Ratnapura district (en)
Stáit	an India, Singeapór, Srí Lanca, an Mhalaeisia, Oileán Mhuirís, an Afraic Theas, an Chéinia agus an Indinéis
Aicmiú teangeolaíoch
teanga dhaonna Dravidian (en) South Dravidian (en) Tamil–Kannada (en) Tamil-Malayalam (en) Tamil languages (en)
Tréithe
Córas scríbhneoireachta	Tamil script (en) , Vatteluttu (en) , Koleluttu (en) agus script Araibise
Staidéar ag	Tamilology (en)
Cóid
ISO 639-1	ta
ISO 639-2	tam
ISO 639-3	tam
Glottolog	tami1289
Linguasphere	49-EBE-a
Ethnologue	tam
ASCL	5103
IETF	ta

Ceann de theangacha clasaiceacha na hIndia í an Tamailis. Is é Tolkappiyam, gramadach na Sean-Tamailise, an téacs is sine sa teanga, ach is deacair a rá, cén t-am a scríobhadh é. Cuid de na saineolaithe, tá siad ag áitiú gur breacadh an téacs síos i bhfad roimh bhreith Chríost, agus an chuid eile barúlach go mbaineann sé leis an ochtú haois AD. Dealraíonn sé nach bhfuil sé níos nua ná sin, áfach.

Focal Tamailise sa Ghaeilge é curaí, is é sin an spíosra ar a dtugtar curry as Béarla, an teanga ónar tháinig an leagan Gaeilge.

Cosúil leis na teangacha Dráivideacha eile, is teanga tháite (teanga shintéiseach) í an Tamailis, is é sin, cuirtear a lán iarmhíreanna leis na focail le hiad a dhíochlaonadh nó a réimniú. Tá a haibítir féin aici, cosúil leis na mórtheangacha Dráivideacha eile. Baineann na Tamalaigh úsáid as an aibítir seo nuair a scríobhann siad Sanscrait freisin, agus má scríobhtar teangacha na mionlach eitneach i Stát Tamil Nadu ar aon nós, is í an aibítir seo a úsáidtear.