Lourdes
|
Por samtitola artikolo vidu la paĝon Lourdes (stacidomo). |
Lourdes [lurd], okcitanlingve Lorda [lurdo], esperantlingve Lurdo, estas pilgrim-urbeto situanta piede de la montaro Pireneoj en suda Francio, en la departemento Hautes-Pyrénées. Ĝi havas ĉirkaŭ 17 000 loĝantojn.
| Lourdes | |||||
|---|---|---|---|---|---|
 | |||||
komunumo en Francio  vd
| |||||
|
| |||||
| Blazono | |||||
| Administrado | |||||
| |||||
| INSEE kodo | 65286 [+] | ||||
| Poŝtkodo | 65100 | ||||
| En TTT | Oficiala retejo [+] | ||||
| Demografio | |||||
| Loĝantaro | 13 509 (2021) [+] | ||||
| Loĝdenso | 366 loĝ./km² | ||||
| Geografio | |||||
| Geografia situo | 43° 6′ N, 0° 3′ U (mapo)43.094166666667-0.046944444444449Koordinatoj: 43° 6′ N, 0° 3′ U (mapo) [+] | ||||
| Alto | 420 m [+] | ||||
| Areo | 36,94 km² (3 694 ha) [+] | ||||
| Horzono | UTC+01:00 [+] | ||||
| |||||
| |||||
| |||||
|
| |||||
| Alia projekto | |||||
 Vikimedia Komunejo Lourdes [+]
| |||||
Pilgrimado
redaktiLourdes allogas ĉiujare milionojn da vizitantoj, ĉar ĝi estas unu el la plej gravaj pilgrimceloj por la katolikoj de la tuta mondo, konsiderata kiel sankta loko. Katolikoj kredas ke la Virgulino Maria aperis en 1858 antaŭ juna knabino, Bernadette Soubirous, por deklari al ŝi, ke ŝi estas la Senpeka Koncipiteco. Tiu iom enigma frazo apogis la dogmon ĵus proklamitan de Pio la 9-a en 1854, laŭ kiu la Sankta Virgulino estis per speciala graco liberigita el la Origina Peko en la ventro jam en la momento de sia koncipiĝo. Poste la junulino fariĝis monaĥino kaj estis sanktigita de la katolika Eklezio.
De tiam malsanuloj venas enakviĝi en fonton, kiu situas ĉe la apero-groto, esperante miraklan resaniĝon. Kvankam estas ĉirkaŭ 7 000 asertoj de miraklaj sanigoj, nur 69 estas aprobita de la episkopoj post ekzamenoj de kuracista komitato.
La religia komplekso entenas plurajn preĝejojn, kapelojn, krucvojojn, kaj centojn da hoteloj kaj vendejoj. Krom tiu religia komplekso, la urbo posedas interesan mezepokan fortikigitan kastelon staranta sur alta rokego.
Tute laŭ natura kopiado de la lurdogroto troviĝas en la pilgrimejo Maria Gugging, katastrala komunumo (loko) de la urbo Klostronovburgo (germane Klosterneuburg), Urbo de la Interpopola Kompreniĝo, Aŭstrio.
Partneraj urboj
redakti- Częstochowa, Pollando
- Fátima, Portugalio
Vidu ankaŭ
redaktiBibliografio
redakti- Collectif, Lourdes de la Préhistoire à nos jours, Musée Pyrénéen, 1987.
- Laurence Catinot-Crost, Autrefois Lourdes, Éditions Atlantica, 2005.
- Sébastien Barrère, Petite histoire de Lourdes, Cairn, 2014.
Eksteraj ligiloj
redakti- http://www.lourdes-france.org
- http://www.lourdes-france.com
- Panoramoj de la sanktejo de Lourdes Arkivigite je 2007-09-28 per la retarkivo Wayback Machine