IJK 2011
La 67-a Internacia Junulara Kongreso (IJK) de TEJO okazis ekde la 14-a ĝis la 21-a de julio 2011 en Kievo, la ĉefurbo de Ukrainio. Partoprenis ĝin 311 esperantistoj el 34 landoj.[1] La aranĝo estis la unua IJK sur la tereno de Ukrainio, kaj ĝia temo estis ”Daŭropova evoluo – nova koncepto por homaro”.[2]
| IJK 2011 | ||
|---|---|---|
| Loko | Kievo,  Ukrainio
| |
| Ekde | 14-a de julio 2011 | |
| Ĝis | 21-a de julio 2011 | |
| Organizanto | Ukraina Ligo de Esperantista Junularo, Ukrainia Esperanto-Asocio | |
| Oficiala retejo | www | |
| ← Antaŭa | Sekva → | |
La aranĝon organizis TEJO, UkrEA kaj ULEJ. Du tagojn post ĝi komenciĝis en dana Kopenhago la 96-a Universala Kongreso.
Ĝeneralaj informoj
redaktiKongresejo
redaktiAnonco pri la okazigo de IJK en Ukrainio aperis je la 11-a de marto 2010. Origine estis kiel kongresejo planita sportejo de la Kieva Politeknika Universitato, kiu situas apud la Kieva rezervujo en la vilaĝo Hlibivka, 30 kilometrojn norde de Kievo. Poste oni decidis movi la kongresejon en la urbon Kievo mem, al la turista bazejo Juna turisto en strato Zabolotnoho 144.[k 1][3][4][5]
Loĝi eblis en kvarlita kaj kvinlitaj ĉambroj kun litaĵoj aŭ sen, unu el la amasloĝejoj, en tendo (troviĝantaj inter la kongresejo kaj la apuda konstruaĵo de lernejo) aŭ memzorge ekster la IJK-ejoj. Manĝi eblis en la proksima restoracio Budjmo,[k 2] kunviande aŭ vegetarane (aŭ memzorgi).
Organiza teamo
redaktiEn la Loka Kongresa Komitato membris jenaj homoj:[6]
- Mikaelo Lineckij – programo, financoj
- Vadim Kasjan – administrado
- Łukasz Żebrowski kaj Eŭgenija Slovaĉevskaja – kunordigado
- Svitlana Kozarenko – informado
- Andreo Jankovskij – kontaktoj kun TEJO
- Roma Kozarenko – ekskursoj, sporta programo
- Oksana Palyvoda kaj Alexandre Raymond – vespera programo
- Oksana Mirhorodska – ukraina tago
Du semajnojn antaŭ la kongreso, la ĉeforganizanto Mikaelo Lineckij estis trafita per koratako kaj enhospitaligita, pro kio li ne povis partopreni la kongreson. La ĉeforganizadon lastmomente transprenis jena teamo:
- Eŭgenija Slovaĉevskaja – kunordigado kaj financoj
- Svitlana Kozarenko – taga programo
- Andreo Jankovskij – administrado kaj akceptejo
- Roma Kozarenko – ekskursoj, sporta programo
- Oksana Palyvoda kaj Alexandre Raymond – vespera programo
- Oksana Mirhorodska – koncertoj, ukraina tago
La lokan teamon ĉiaspece asistis Sergeo Tyrin, estrarano de TEJO.
Patronoj
redaktiLa aranĝon aŭspiciis:[7]
- Lidia Gorbunova – vicministro de justico
- Timofij Koĥan – vicministro de Kulturo de Ukrainio
Programo
redaktiMovada programo
redaktiTEJO-komitatkunsido
redaktiLa 16-an de julio 2011 estis elektita nova estraro de TEJO en jena konsisto:[8]
- Łukasz Żebrowski
– Prezidanto
- Paulína Kožuchová
– Ĝenerala Sekretario
- Alisa Nikitina
– Kasistino
- Sergeo Tyrin
– Informado
- Nico Huurman
– Aktivula trejnado
- Petra Smidéliusz
– Landa agado
- Michael Boris Mandirola
– Eksteraj rilatoj
- Tina Tišljar
– Kongresoj
Taga programo
redaktiĈiu tago komenciĝis per diversnivelaj kursoj de Esperanto, la ukraina lingvo kaj aliaj lingvoj. Dum la tago okazis multe da prelegoj. La 17-an de julio okazis ekskursoj tra la urbo, en malgrandaj grupoj ĉiu gvidita de alia lokano, la 18-an okazis Lingva Festivalo dum kiu samtempe estis prezentataj diversaj lingvoj kaj lingvaj regionoj, kaj la 19-an estis sporta tago – inter konkursoj ne mankis futbala matĉo ”Esperantio kontraŭ resto de la mondo” aŭ konkuro en naĝado; parto de la programo okazis en la parko Feofania (ukraine Феофáнія, Теофáнія).
Vespera programo
redaktiDum kelkaj vesperoj okazis koncertoj:
- Vendrede, la 14-an de julio – Gunnar Fischer kaj Ĵomart kaj Nataŝa
- Dimanĉe, la 17-an – Ĵomart kaj Nataŝa kaj Paŭlo Moĵajev
- Marde, la 19-an – La Pafklik kaj JoMo
Nokta programo
redaktiNokta programo, kiu sekvis la vesperan programon kaj daŭris ofte ĝis la matenaj horoj de la sekva tago, proponis elekton inter la sekvaj eroj:
- trinkejo, kie sub gvido de Martin Sawitzki, helpata de Miroslav Hruška kaj Karol Rydlo, eblis trinki ukrainajn bierojn aŭ senalkoholajn trinkaĵojn kiel kvaso, aŭ aĉeti ukrainan ĉokoladon Baton
- gufujo
- diskejo – gvidis Aleksej Svertoka
Rezultoj
redaktiAperis krom multaj fotoj ankaŭ raportoj, interalie raporto de Chuck Smith kaj reago de Carolin Weemeyer en Libera Folio, kaj raporto de Daniel Mrázek[9] por TEJO Tutmonde.
La 14-an de julio 2011 la oficialan inaŭguron de la kongreso antaŭis renkontiĝo kun ĵurnalistoj. TEJO-n reprezentis Sergeo Tyrin, ULEJ-reprezentanto estis Svitlana Kozarenko, la projekton Ĉirkaŭmonda karavano Interkulturo[k 3] prezentis Volodimir Soroka. Vespere aperis en ukraina televido STB raporto, kaj la 19-an de julio okazis viva elsendo aranĝita de Daniel Mrázek en la Ĉeĥa radio.[10][11]
Dum la kongreso eblis spekti interretajn elsendojn kaj post ĝi eblas spekti registraĵojn realigatajn de Japana Esperanto-Junularo ĉe USTREAM.[12] Pepaĵojn en Twitter eblas serĉi per la haket-etikedo #IJK2011 ĉi tie.
Komentoj
redakti- ↑ 50° 21.372′ N 30° 28.413′ O / 50.356200 °N, 30.473550 °O (mapo)Koordinatoj: 50° 21.372′ N 30° 28.413′ O / 50.356200 °N, 30.473550 °O (mapo)
- ↑ budmo.kiev.ua (restoracia retejo, arkivita kopio)
- ↑ interkulturo.info (arkivita kopio)
Referencoj
redakti- ↑ Landoj – IJK-2011[rompita ligilo] (stato je 2011-08-12)
- ↑ IJK 2011 en Ukrainio! – oficiala anonco en la retpaĝaro de TEJO. Arkivita el la originalo je 2013-05-15. Alirita 2018-06-19.
- ↑ Arkivita kopio. Arkivita el la originalo je 2016-03-04. Alirita 2011-07-29. (unua anonco)
- ↑ IJK 2011 en Ukrainio – Libera Folio (origine planita kongresejo)
- ↑ Arkivita kopio. Arkivita el la originalo je 2011-06-12. Alirita 2011-07-16. (fina kongresejo)
- ↑ Arkivita kopio. Arkivita el la originalo je 2011-06-12. Alirita 2011-07-16.
- ↑ Arkivita kopio. Arkivita el la originalo je 2011-06-12. Alirita 2011-07-16.
- ↑ Arkivita kopio. Arkivita el la originalo je 2013-05-15. Alirita 2018-06-19.
- ↑ tejo.org, la raporto[rompita ligilo]
- ↑ Televida raporto en STB[rompita ligilo]
- ↑ Ĉeĥa radia elsendo[rompita ligilo] (la raporto pri IJK komenciĝas je tempo 7:23, kaj finiĝas je 19:32)
- ↑ Ustream el Japanio (ĉi-foje el Kievo, Ukrajnio)
Eksteraj ligiloj
redakti- Retpaĝaro de la 67-a IJK (arkivita kopio en Wayback Machine)
- Oficiala emblemo de IJK en Ukrainio (arkivita kopio)
- Ĉekongresaj muzikaĵoj: Stephan Stefo Schneider – Stulta Fraz', Gunnar Fischer kun Stephan Stefo Schneider – Liberec', JoMo – Funkolando (Sexy Esperanto) kaj Martin Wiese – Antaŭĝojo