Gazonhokeo

Gazonhokeo (aŭ foje herbohokeo) estas sporto, pilka ludo, ĉe kiu la pilko estas puŝata kaj batata per specialaj kurbaj bastonoj t.n. hokeiloj. La regularo de hokeoludo similas tiun de la piedpilka ludo (futbalo). Ĝi estas sporto de la Someraj Olimpiaj Ludoj ekde 1908.

Gazonhokeo
speco de sporto • teama sporto • ŝatokupo
hokeo • olimpika sporto
Fakoj
Kulminaj konkursoj
Internacia federacio
Rilataj paĝoj
Kategorio:Sporto

Kamphokeo ĉe la Someraj Junularaj Olimpikoj 2018

Nomo

En Esperanto, simile kiel en iuj naciaj lingvoj kiel ekzemple la nederlanda aŭ dana, la vorto hokeo kutime signifas la teamajn sportojn ludatajn per hokeiloj kaj pilko sur firma tero (la subĉiela klasika variaĵo, halhokeo, kaj variaĵoj kiel rulhokeo kaj unihokeo), dum glacihokeo konsideratas aparta teama sporto ludata per (iom alispecaj) hokeiloj kaj disko sur glacio - do glacihokeo ne konsideratas variaĵo de hokeo, samkiel ankaŭ ekzemple teniso kaj tabloteniso estas du malsamaj sportoj. En multaj aliaj naciaj lingvoj tamen la vorto paralela al "hokeo" nur estas la kategorio, en kiu grupiĝas ĉiuj sportoj iel ludataj per hokeiloj, kaj la "klasika" hokeo ludata subĉiele sur verda hokeejo nomatas - se traduki la nacilingvajn nomojn al Esperanto - "kamphokeo", "landhokeo" aŭ "herbejhokeo". En Esperanto ĉiuj tiuj nomigoj ne bone trafus la koncepton: La hokeejo uzata por la subĉiela teama ludo per hokeiloj kaj pilko nuntempe plej ofte estas plasta grundo provizita per multaj verdaj strietoj, kiuj demalproksime similas al herbotapiŝo, sed ne vere estas, kaj tre malsimilas al natura herbejo aŭ al kampo uzata por kultivi legomojn - kaj la uzo de la vorto lando en Esperanto ĉi-kuntekste tute ne havus sencon. Se oni volus adapti la esperantan lingvouzon al tiu de ekzemple la angla aŭ germana lingvoj, oni povus inventi la novan vorton "pseŭdoherbotapiŝa hokeo", sed tiom longa nomo neniel praktike uzata el lingva vidpunkto ne havas sencon. Plu sencas, ke en Esperanto "hokeo" estas la sporto ludata per hokeiloj kaj pilko sur firma tero (ĉu ekstere ĉu hale), kaj "glacihokeo" aparta sporto ludata per hokeiloj, sketiloj kaj disko sur glacio.

Hokeilo

Hokeilo havas konveksa flanko kaj ebena flanko. Pilko estas puŝata kaj batata kun ebena flanko de hokeilo.

Bildaro

• 
  "klasika" hokea ludo
• 
  unihokeo
• 
  hala hokeilo
• 
  ... jen el alia perspektivo

Eksteraj ligiloj

• retejo de la germana ligo pri hokeo Arkivigite je 2008-01-07 per la retarkivo Wayback Machine
• retejo de la internacia federacio pri hokeo
• informoj germanlingvaj, pri regularoj, taktikoj ktp.

Vidu ankaŭ

• Glacihokeo
• Unihokeo
• Radhokeo