Redesko Natura Parkea

Redesko Natura Parkea (gaztelaniaz eta asturieraz: Parque Natural de Redes) Asturiasko hego-ekialdean kokaturik dago, Nalóngo eskualdearen barruan. Izan ere, Nalón ibaia parkearen barruan sortzen da eta eremu hau zeharkatzen du, Tanes eta Rioseco-ko urtegiak tartean daudelarik. Caso (308 km2) eta Sobrescobio (68 km2) udalerriak barne hartzen ditu guztira 377 km2-ko azalera daukalarik. Altuera baxuena ibarrean 400 metrokoa da, eta inguruko mendirik garaienak 1.900 eta 2.100 metroko altueran daude.

Redesko Natura Parkea
II. maila: parke nazional VI. maila: baliabideen kudeaketa jasangarrirako babesturiko gune
Datu orokorrak
Mota	naturagune babestua, Batasuneko garrantzizko leku eta parke natural
Azalera	377,36 km²
Geografia
Koordenatuak	43°11′N 5°23′W
Estatu burujabe	Espainia
Autonomia	Asturiasko Printzerria

Conceyu edo udalerri mugakideak hauek ditu: Iparraldean Piloña, ekialdean Ponga, mendebaldean Laviana, hego-mendebaldean Aller eta hego-ekialdean Acebedo (León), Tarnako mendatetik komunikatuta dagoena.

2001ean UNESCOk biosfera erreserba izendatu zuen, natura parkea 5 urte lehenago sortu eta gero.

Flora

Pagoek eta haritzek osatzen dituzte parkeko baso gehienak, 500 eta 1.700 metroko altueran. Bestela, nabarmentzekoak dira gorostiak, haginak eta iratzeak.

Fauna

Sarrio txikia.

Hartzak eta otsoak bizi dira eremu honetan, bai eta sarrioak, oreinak, orkatzak, basurdeak eta igarabak ere. Hegaztien artean, basoilarrak, sai zuriak eta arrano beltzak nagusiak dira.

Mendiak

1. Picu Torres (2.104 m).
2. Peña La Rapaína (2.022 m).
3. Peña'l Vientu (2.000 m).
4. Picu Tiatordos (1.951 m).
5. Picu Cascayón (1.949 m).
6. Maciédome (1.899 m).
7. El Retriñón (1.862 m).
8. Peña Llambria (1.749 m).

Ondarea

Riosecon, "Corona de castro" izeneko aztarna erromatarrak daude. Tanesen Colegiata de Santa María (XVI. mendekoa) eta Santa Cruz la Real eliza (XVI. m.) Caleao auzoan. Egurraren eta madreñaren museoa bestela Veneroseko jauregi zaharrean dago kokatuta.

Interpretazio zentroa Campu Casuko herrian dago kokatuta.

Irudi galeria

• 
  Fondoan, Picos de Europa.
• 
  Vega Brañagallones.
• 
  Ikuspegi zabal bat.
• 
  Arrabio arrunta.

Kanpo estekak

• (Gaztelaniaz) Redesko Parkearen webgune ofiziala
• (Gaztelaniaz) Redesko bloga
• (Gaztelaniaz) Redesko webgune ez ofiziala
• (Gaztelaniaz) "Cien días de soledad" dokumentalaz, bertan egindakoa.

• Datuak: Q3384948
• Multimedia: Redes Natural Park / Q3384948