QGIS

QGIS kode irekiko ordenagailu software libre bat da. Geoespazial datuen bistaratzea, edizioa, inprimatzea eta analisia egin dezaken geografia-informazioko sistema (GIS) bat da. Proiektua 2002ko maiatzean sortu zen eta urte bereko ekainean SourceForgen proiektu gisa aurkeztu zen.

QGIS
Irudi gehiago
Jatorria
Sorrera-urtea	2002
Banatze bidea	banaketa digital
Azken bertsioa	3.40.0
Behar ditu	GDAL (en) , PROJ (en) eta GEOS (en)
Ezaugarriak
Euskarria	x86 (mul) , x86-64 (en) eta ARM arkitektura
Programazio-lengoaia	C++ eta Python
Sistema eragilea	shapefile (en) , SVG, qgs (en) , Keyhole Markup Language (en) , PNG, GeoTIFF (en) , QGIS layer style (en) , MapInfo Interchange Format (en) , delimiter-separated value format (en) , GeoPackage (en) , QGIS Layer (en) eta QGIS Composer Template (en)
Irakur dezake	Linux, MacOS X, Microsoft Windows, BSD, Android (mul) eta IOS
Idatz dezake	shapefile (en) , qgs (en) , SVG, Keyhole Markup Language (en) , PNG, GeoTIFF (en) , QGIS layer style (en) , GeoJSON (en) , GeoPackage (en) , QGIS Zipped project (en) , QGIS Layer (en) eta QGIS Composer Template (en)
GUI tresnak	Qt
Egile-eskubideak	copyrightduna
Lizentzia	GNU General Public License, version 2.0 or later with library exception (en)
Kokapena
Bilduma	OSM Apps Catalog (en)
Ekoizpena
Garatzailea	QGIS Development Team (en)
qgis.org
Iturri-kodea	https://github.com/qgis/QGIS

Informazio geografikoko azken erabiltzaileei, profesionalei, unibertsitate-giroei edo administrazio publikoetako langileei (udalak, aldundiak, sailak edo ministerioak) zuzenduta dago.

Funtzionamendua

QGIS geografia-informazioko sistema (GIS) programak erabiltzaileari aukera ematen dio informazio espaziala aztertu eta editatzeko, baita mapa grafikoak osatu eta esportatzeko ere. QGISek raster, bektore eta beste datu mota batzuk onartzen ditu. Bektorial datuak puntu, lerro edo poligono gisa gordetzen ditu. Raster irudi-formatu asko onartzen ditu, eta softwareak irudiak geoerreferentziatu ditzake ere.

Shapefile-ak, geodatu-base pertsonalak, AutoCAD dxf, MapInfo, PostGIS, Grass GIS eta industriak garatutako beste formatu estandar batzuk onartzen ditu. Raster irudietan, GRASS GIS, GeoTIFF, TIFF, JPEG, etab. onartzen ditu. Web zerbitzuetara ere konekta daiteke, Web Map Service eta Web Feature Service barne, eta horrela., kanpoko iturrietako datuak erabiltzeko aukera ematen du.

QGISen funtzioak nabarmenki zabal ditzake erabiltzaileak pluginak erabiliz. Biltegi ofizialak 1957 pluginak eskaintzen ditu. Plug-in horiek, erabiltzaile batek Python hizkuntzan programatutako software txiki bat da, QGISen oinarritzen dena eta gaitasun bereziak ematen dizkiona eremu funtzio jakinen bat burutzeko.

Ikusizko interfazea

Bere interfazea abegikorra da erabiltzailearentzat. Adibidez, informazio espaziala duten osagai antzekoak taldeko eta azal ezberdinetan antola daiteke: oinarrizko mapa itsua beheko azalean, ibaien lerroak azal bat gorago, muga administratiboak hurrengo azalean, giza-dentsitatea irudikatzeko kolore poligonoak hurrengoan, ibaien, hirien eta lurraldeen izenak hurrengoan, etab.

Institut Cartogràfic i Geològic de Catalunya-ren mapa bat Q-GIS erabiliz.

Datu baseak

Datu-base geoespazial askorekin konektatzeko erraztasuna du, bai autobilduak direnak, bai bezero-zerbitzari arkitektura dutenak: GeoPackage, SpatiaLite, 3 PostgreSQL/PostGIS eta Oracle Database, besteak beste.

Garapena

2023. urtetik aurrera, QGIS programa sistema eragile nagusientzat eskuragarri dago. Hauek dira: Mac OS X, Linux, Unix, eta Microsoft Windows. Gainera, QGISen mugikor bertsioa, QField, Android et iOSentzat eskuragarri dago.

QGIS Android-en pantaila-argazkia, 2014.

QGIS borondatezko garatzaileek mantentzen dute, eta erregularki eguneratzeak eta akatsen zuzenketak egiten dituzte. Hilabetero, akats zuzenketa (bug fix) bertsio bat eta, lau hilabetez behin, bertsio berri bat argitaratzen dute.

Erabiltzaile batzuentzat maiztasun hori handiegia izan daitekeenez, QGIS komunitateak LTR bat garatzea (ingelesez: "Long-Term Release", euskaraz: epe-luzeko bertsioa) proposatu zuen. Horren ondorioz, egun, programak bi "adar" modalitatetan eskaintzen da: adar arrunta (garapen bizkorra, azken funtzionamendu berritasunak dituena) eta epe-luzeko adarra (ez ditu punta-puntako funtzioak, baina oso egonkorra da).

Epe motzeko adarreko software bertsioak hiru akats zuzenketa izan dituenean, bertsio hori adar arruntetik epe-luzeko adarrera mugitzen da. Adar arruntak erritmo berean segituko du aldatzen (lau hilabetez behin, bertsio berri bat) eta, aldiz, epe-luzeko adarrak (LTR bertsioa, alegia), urte betez berdin iraungo du, aldaketarik gabe. Bertsio bat LTR bihurtzen denean, ezin du funtzio berririk eskuratu. Bere horretan geldituko da eta hilabetean behin, bakarrik, akats zuzenketen eguneraketak jaitsi eta inplementatzen ditu. Esan bezala, LTR bertsioa urtero aldatzen da (Otsaila inguruan). Momentu hartan, QGISen azken bertsioa LTR bihurtuko da eta zikloa berrabiarazten da. Beraz, adar arruntaren bertsio guztiak ez dira LTR bihurtzen; bakarrik hirutatik bat.

Lizentzia

GNU GPLv2 lizentzia duenez gero, QGIS libreki alda daiteke zeregin desberdinak edo espezializatuagoak egiteko.

Nork erabiltzen du

Erakunde publiko eta pribatu askok erabiltzen dute QGIS, besteak beste: Institut Cartogràfic i Geològic de Catalunya, Estatu Batuetako Segurtasun Agentzia Nazionala, Estatu batuetako Geoespazial Informazio Agentzia Nazionala (NGA), Austriako Vorarlberg estatua, The Economist, Glarus eta Solothurn kantoi suitzarrak, Zeelanda Berriko Lurralde Informazio Saila, besteak beste.

Kanpo estekak

• Webgune ofiziala
• Introduction to QGIS 2023. UCR library. University of California, Riverside
• QGIS Geografia Informazioko Sistema euskaraz 2013-07-22 Librezale.
• Meaurio Arrate, Maite. 2017/11. GIS hastapenerako ikastaroa. OpenCourseWare (OCW) proiektua. EHU.
• Santiago, Iván. 2023/11/10. Tutorial Quantum GIS 3.28 LTR, versión “Firenze”. PR Innovation and Technology Service

• Datuak: Q1329181
• Multimedia: QGIS / Q1329181