Edward Abraham
Sir Edward Penley Abraham (Shirley, Southampton, Erresuma Batua, 1913ko ekainaren 10a - Oxford, Erresuma Batua, 1999ko maiatzaren 8a) britainiar biokimikaria izan zen.
| Edward Abraham | |
|---|---|
 | |
| Bizitza | |
| Jaiotza | Shirley (en)  , 1913ko ekainaren 10a |
| Herrialdea |  Erresuma Batua Britainia Handia eta Irlandako Erresuma Batua 1927ko apirilaren 12a) |
| Heriotza | Oxford, 1999ko maiatzaren 8a (85 urte) |
| Heriotza modua | berezko heriotza: istripu zerebrobaskularra |
| Hezkuntza | |
| Heziketa | The Queen's College : kimika King Edward VI School (en) |
| Doktorego ikaslea(k) | John E. Walker |
| Hizkuntzak | ingelesa |
| Jarduerak | |
| Jarduerak | biokimikaria |
| Enplegatzailea(k) | Oxfordeko Unibertsitatea |
| Jasotako sariak | |
| Influentziak | Wilson Baker (en) |
| Kidetza | Royal Society Arteen eta Zientzien Ameriketako Estatu Batuetako Akademia |
Antibiotikoen arloan egindako lanagatik eta, bereziki, penizilinaren arazketan egindako aurkikuntzengatik da ezaguna. Oxfordeko Queens Collegen aritu zen ikasten; 1938an amaitu zuen doktoregoa, eta ondoren urtebete eman zuen Suedian, bere arloan sakontzen. 1939an itzuli zen Oxforda, eta penizilinaren kimika ikertzen hasi, Ernst Chainekin eta Howard Floreyrekin batera.
Jakina zen penizilina arma indartsua izan zitekeela eritasunen eta infekzioen aurka, baina nekeza zen haren forma egokia lortzea. Abrahamek prozesu kromatografiko bat asmatu zuen penizilina arazteko. Antibiotikoaren hurrengo testak arrakastatsuak izan ziren, eta zehatzago ezagutu ahal izan zen haren egitura molekularra. Bestalde, 1953an, Guy Newtonen laguntzaz, Abrahamek zefalosporina deritzan antibiotikoaren forma purua bakartu zuen onddo batetik, difteria eta tifusa sortzen dituzten bakterioen aurka erabiltzen dena. 1964an, patologia klinikoko irakasle egin zuten Abraham, Oxforden, eta, 1980an, sir titulua eman zioten.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-09-19 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q3739887
Multimedia: Edward Penley Abraham / Q3739887