Bost txerrikume

Bost txerrikume (ingelesez: Five Little Pigs) Agatha Christiek idatzitako eleberri bat da. 1942an argitaratu zen. Hercule Poirot detektibe ospetsua eleberri honetan ere agertzen da.

Bost txerrikume
Datuak
Idazlea	Agatha Christie (1942)
Argitaratze-data	1942ko maiatza
Generoa	Eleberria
Jatorrizko izenburua	Five Little Pigs
Argitaletxea	Dodd, Mead & Co. (en)
Herrialdea	Erresuma Batua
Euskaraz
Izenburua	Bost txerrikume
Itzultzailea	Ainhoa Eder Zabala
Argitaratze-data	2018
Bilduma	Enigma
Orrialdeak	301
ISBN	9788494620768

Argumentua

Caroline Crale bere senar Amyasen hilketagatik zigortua izan ondoren, horien alaba Hercule Poirotengana hurbildu da. Amak, espetxean hil baino lehen, gutun bat bidali omen zion, eta errugabea zela esaten omen zuen bertan. Hercule Poirotek ikerketa onartu du, This Little Piggy (Txerrikume hau) haur-kanta bat abiaburutzat hartuta, bost zirelako hilketa egin zezaketenak.

Pertsonaiak

• Amyas Crale: Margolari ospetsua eta gonazale porrokatua.
• Caroline Crale: Amayasen emaztea.
• Philip Blake: Burtsako artekaria eta Amayasen lagun mina (bost txerrikumetako bat).
• Meredith Blake: Philipen anaia, lurjabea (bost txerrikumetako bat).
• Elsa Greer: Amayasen maitalea, berarentzat posatzen ari da margolan baterako (bost txerrikumetako bat).
• Angela Warren: Caroline Craleren ahizpaordea; gero, esploratzaile ospetsua (bost txerrikumetako bat).
• Cecilia Williams: Craletarren etxeko maistra (bost txerrikumetako bat).
• Carla Lemarchant: Craletarren alaba; Lemarchant osaba-izebekin bizi izan da Kanadan, hilketa gertatu ondoren.
• John Rattery: Carlaren senargaia; egia jakin nahi du, Carlarekin ezkondu ahal izateko.
• Hercule Poirot: detektibe belgikar ospetsua. Carla Lemarchant gazteak laguntza eskatzen dio.

Kanpo estekak

• Datuak: Q304493