Aostako Harana
Aostako Harana[1] (Valle d'Aosta italieraz, Vallée d'Aoste frantsesez eta Vâl d'Aoûta frankoproventzeraz) Italiako eskualdea da, ipar-mendebaldean dagoena.
| Aostako Harana | |
|---|---|
 | |
| Administrazioa | |
| Estatua |  Italia |
| Hiriburua | Aosta |
| Probintziak | Ez |
| Udalerriak | 74 |
| Geografia | |
| Koordenatuak | 45°43′N 7°22′E / 45.72°N 7.37°E |
| Azalera | 3.262 km² |
| Demografia | |
| Biztanleria | 119.548 biztanle (2005) |
| Dentsitatea | 37 bizt/km² |
| www.regione.vda.it | |
Hiriburua Aosta bera da.
Mugakideak
aldatuIparraldean, Valais Kantoia (Suitza), hegoaldean eta ekialdean, Piemonte, eta mendebaldean, Savoia Garaia eta Savoia (Frantzia) mugakide ditu.
Orografia
aldatuDora Baltea ibaiak zeharkatua, 4.000 metrotik gorako gailurrek (Mont Blanc, Cervino, Monte Rosa…) inguratzen duten lurralde menditsua da. Komunikazio gune guztiz garrantzitsua, bertan egituratzen baitira Alpe arteko bide nagusiak (Mont Blanceko tunela, San Bernardo Handiko eta Txikiko mendateak). Courmayeur udalerria Mont Blancera igotzeko abiapuntu ohikoa da.
Ekonomia
aldatuGoi mendietako larre ugarietan behi azienda hazten da; behe lurretan, berriz, laboreak, fruitu arbolak eta mahastiak lantzen dira. Ekoizpen hidroelektrikoa garrantzitsua da (20.000 kW/o.). Burdingintza (Cogne), kimika industria (Châtillon, Saint-Marcel) eta ehungintza jorratzen dira: betiere, ekonomia jarduera nagusia industria da.
Historia
aldatuAosta Harana Frantziaren esku egon zen 1800-1814 urteen artean. 1948tik, Italiako lurralde autonomoa da.
Banaketa administratiboa
aldatuProbintziak
aldatuItaliako beste eskualdeak ez bezala, Aostako Harana ez dago probintziatan banatuta.
Udalerriak
aldatuAosta Haranean 74 udalerri daude. Handiena Aosta hiria da, 34.270 biztanlerekin. Hurrengoa Châtillon da, 4.846 biztanlerekin.
Hizkuntzak
aldatuErreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/09/08 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2008-05-30). 154. araua: Europako eskualde historiko-politiko nagusiak. .
Kanpo estekak
aldatu- (Italieraz) Webgune ofiziala
Datuak: Q1222
Multimedia: Aosta Valley / Q1222