Ginea

	République de Guinée ; Republik Ginea
Banniel	Ardamezioù
	Lec'hiadur Ginea
Kêr-benn	Conakry
Yezh(où) ofisiel	Galleg
Gouarnamant	Republik vonreizhel
- Prezidant	Mamady Doumbouya
- Kentañ Ministr	Bah Oury
dizalc'hded	diouzh Bro-C'hall
- disklêriadur	2 Here 1958
Gorread
- Hollad	245 857 km² (77añ)
- Dour (%)	tost nul
Poblañs
- istimadur 2023	14 190 612 ()
- Stankter	57,7/km² (164)
Moneiz	Franc guinéen (GNF)
Gwerzhid-eur	(UTC)
Kod kenrouedad	.gn
Kod pellgomz	+224

Evit implijoù all, gwelet Ginea (disheñvelout).

Ginea (ent-ofisiel Republik Ginea) zo ur stad eus kornôg Afrika. A-wechoù e vez graet Ginea Conakry anezhi evit lakaat kemm etrezi ha div stad all anvet Ginea en Afrika : Ginea-Bissau ha Ginea ar C'heheder. En-dro da C’hinea emañ Ginea-Bissau er c’hornôg, Senegal en hanternoz, Mali er biz, Aod an Olifant er reter, Liberia ha Sierra Leone er c’hreisteiz, hag ar Meurvor Atlantel er c’hornôg.

Poblet eo gant un eizh milion bennak a dud. Conakry (Konaakiri) eo ar gêr-benn hag ar gêr vrasañ, gant ur milion hanter a annezidi. Kêrioù bras all zo evel Nzérékoré, Kindia ha Kankan.

Diforc’hioù bras zo er vro etre an arvor, douaroù uhel ar menezioù Fouta Djallon, savanenn an hanternoz hag ar gevred zo koadet-stank. Ar stêrioù Niger, Gambia ha Senegal zo o eien e Ginea.

Un drevadenn c’hall e oa, a-raok 1958 pa oa bet embannet ur stad dizalc’h. E-pad pell eo bet renet ar vro gant diktatouriezh « sokialour » Ahmed Sékou Touré.

Ar galleg eo ar yezh ofisiel e Ginea. Meur a yezh all a gaozeer er vro, evel ar fulfulde pe pulaar, ar maninka…