Valira
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Ríu Valira | ||
| Llocalización alministrativa | ||
|---|---|---|
| División |  CataluñaProvincia de Lleida |
|
| Xeografía | ||
| Mapa | ||
  | ||
El ríu Valira ye un curtiu ríu pirenaicu, un afluente del Segre pola so derecha que vertebra la hidroloxía del Principáu d'Andorra. Baña la mayor parte d'esti país, sacante la solana d'Andorra que s'atopa na aguada del ríu Ariège. El ríu naz nel Circ dels Pessons, na parroquia d'Encamp (Andorra) y percuerre el país de norte a sur, desaguando nel ríu Segre una vegada superada La Seu d'Urgell (Lleida, España).
El Valira tien la forma d'una Y. Los brazos cimeros taríen representaos pel llamáu ríu Valira del Norte y el Valira d'Oriente. Dambos xúnense na población d'Escaldes-Engordany, a partir de la cual el ríu toma'l nome de Gran Valira.
Valira del Norte
[editar | editar la fonte]Valira del Norte (Valira del Nord, en catalán) recibe tamién les denominaciones de Valira de la Massana, de Ordino o ribera de Ordino.
Tien la so nacencia nos llagos de Tristaina, al noroeste d'Andorra, al pie del picu del mesmu nome. N'efectuando'l so cursu una curva, la so corriente flúi nun percorríu aproximao diagonal dende'l noroeste hasta'l centru de dichu territoriu, travesando les poblaciones d'El Serrat, Les Salines, Llorts, Arans, La Cortinada, Ansalonga, Ordino, La Massana, Anyós y Engordany.
Recibe como principales afluentes les agües de los ríos Sorteny y Arinsal.
Valira d'Oriente
[editar | editar la fonte]Valira d'Oriente (Valira d'Orient, en catalán) recibe tamién les denominaciones de Valira de Encamp, de Canillo o de Soldeu.
Tien la so nacencia nel circu dels Pessons, al nordeste d'Andorra, cerca de la población de Grau Roig. La so corriente flúi travesando les poblaciones de Soldeu, El Tarter, L'Aldosa, El Vilar, Canillo, Molleres, Les Bons, Encamp y Escaldes.
Recibe como principal afluente les agües del ríu Madriu.
Gran Valira
[editar | editar la fonte]Gran Valira ye'l nome que pasa a tomar el ríu Valira dempués de que les agües del Valira del Norte y el Valira d'Oriente xunir na llocalidá d'Escaldes-Engordany (Andorra).
A partir de dichu llugar, el cursu del Gran Valira traviesa les poblaciones d'Andorra la Vieya, Santa Coloma, La Margineda, Aixovall y Santuyano de Loria, siendo práuticamente coincidente col de la carretera nacional que conduz a España.
Casi na frontera con España, recibe pola so esquierda les agües del so principal afluente, el ríu Runer.
Fauna
[editar | editar la fonte]Nel ríu Valira y los sos múltiples afluentes, llagos y estanques conviven especies como la trucha fario, la trucha asalmonada y la llondra, ente otres variedaes faunístiques.
Referencies
[editar | editar la fonte]Enllaces esternos
[editar | editar la fonte]Wikimedia Commons acueye conteníu multimedia sobre Valira.
| Control d'autoridaes |
|
|---|
Datos: Q24853