Fuesa de Teruel
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La fuesa de Teruel, fuesa d'Alfambra-Teruel-Mira[1] u fuesa d'Alfambra-Teruel-Ademuz ye una fuesa tectonica que con dirección NNE-SSO que s'ubrió en lo Sistema Iberico en lo Mioceno y continó fundindo-se en lo Plioceno. En la marguin oriental ye en contacto con la sierra d'Escoriuela, la sierra Gorda, la Sierra de Camarena y la sierra de Chabalambre con una falla de gran salto. En la marguin occidental ye en contacto con la sierra Palomera y la sierra d'Albarracín. En lo sector que bi ha entre la sierra d'Escoriuela y sierra Palomera (fuesa d'Alfambra) presenta una estructura en semigraben[2], encara que baixando dende Teruel deixa d'estar un semigraben y prene forma de fuesa tectonica mes simetrica. Los sedimentos de la fuesa de Teruel son d'edat neochena con cambios laterals de facies entre formacions detriticas y evaporiticas, y un important conteniu paleontolochico con fósils de vertebraus.
Fallas
editarUna falla important en la marguin oriental ye la falla de Pasadera, que en la zona de Garaballa y Mira creba la continuidat d'afloramiento de l'Anticlinal de la Serranía de Cuenca[3].
Los materials neochenos que plenoron la fuesa de Teruel se vioron afectaus por lo fundimiento de la fuesa de Xiloca. La falla de Concut u Caudet ye una muga local entre las dos fuesas y deixa estos materials neochenos de la fuesa de Teruel aflorando en lo bloque levantau.[4]
Sedimentación
editarLos zaguers sedimentos que sedimentoron a lo norte de Villel (Calsineras d'el Paramo de lo Plioceno inferior-meyo), enlazan con la superficie d'erosión fundamental[5] y la han permeso datar: se remató de fer de tot a primers de lo Plioceno superior.
Dimpués bi habió una etapa distensiva a primers de lo Plioceno superior que deformó la superficie d'erosión fundamental y reactivó las fallas de las marguins de la fuesa. Se produció una fondada en la marguin oriental que se plenó con un manto de materials detriticos villafranquians.
Cheomorfolochía
editarEn rematar los procesos sedimentarios y tectonicos de lo Plioceno superior encomenzoron a formar-sen glacis. Se reconoixe un amplo glacis de Perals que baixa dende la plana de Visiedo y ye d'edat plio-quaternaria. Atros que se'n formoron estioron lo de glacis de Val de Zebro y lo d'Aldeyuela.
En meyo d'esta topografía de glacis encomenzó a encaixar-se lo rete fluvial de lo río Guadalaviar en tot lo Quaternario. Se formoron atros glacis y faixas fluvials. En l'Alfambra se reconoixe 4 livels de faixas, manimenos en lo Guadalaviar auguas entabaixo de Teruel se'n reconoixe 5.
Los glacis d'Escoriuela y de Val de Zebro y las faixas fluvials de Teruel amuestran deformacions que indican que encara bi ha una actividat tectonica residual.
Los materials calsinosos favoreixerán la formación de muelas por tener más resistencia a la erosión que los materials detriticos, manimenos se veyerán afectaus por procesos de karstificación. Destacan la Muela de Teruel y Penyalba de Bellestar.
Capturas fluvials
editarToda la cuenca de Guadalaviar amuestra sinyals d'anomalía producto de complexos procesos de captura fluvial[6].
La fuesa de Teruel yera inicialment endorreica u verchent enta lo río Cabriuel, como de feito encara en ye entre Landet y Mira a lo sud de Santa Cruz de Moya. La fundimiento de lo Golfo de Valencia activó la erosión regresiva de los ríos de la versant mediterrania y a zaguers de lo Terciario un d'estos ríos dobló la suya cuenca por un proceso de captura fluvial de la fuesa de Teruel en la redolada de Santa Cruz de Moya[6].
Lo feito que la fuesa de Teruel fuese plena de rocas sedimentarias tobas facilitó lo encaixamiento y la erosión regresiva d'este río y los afluents suyos, producindo-se mes tarde la captura fluvial de l'actual curso alto de Guadalaviar entre los Monts Universals y la sierra d'Albarracín, que enantes debeba de desauguar enta Xiloca[6].
Referencias
editar- ↑ (es) Mateo Gutiérrez Elorza: Geologia y Recursos Minerales de la Provincia de Teruel. "Cartillas Turolenses Nº 1". Instituto de Estudios Turolenses. Geologia y Recursos Minerales de la Provincia de Teruel: Cartillas Turolenses Nº 1", pp 44-45.
- ↑ (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990. pp 46-48.
- ↑ (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. p 516.
- ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 73.
- ↑ (es) José Luis Peña Monné, Miguel Sánchez Fabre, María Victoria Lozano Tena: Las formas de relieve de la Sierra de Albarracín. Centro de Estudios de la Comunidad de Albarracín, 2010, pp 43-44.
- ↑ 6,0 6,1 6,2 (es) Jorge Hermosilla Pla (dir.):Los regadíos históricos del Alto Turia turolense. Generalitat Valenciana, Conselleria de Cultura, Educació i Esport, Universidad de Valencia, 2008. ISBN 978-84-370-7316-3. p 101.
Bibliografía
editar- (es) Mateo Gutiérrez Elorza: Geologia y Recursos Minerales de la Provincia de Teruel. "Cartillas Turolenses Nº 1". Instituto de Estudios Turolenses.
- (es) Mateo Gutiérrez Elorza, José Luis Peña Monné: Las formas del relieve de la provincia de Teruel. "Cartillas Turolenses Nº 7º". Instituto de Estudios Turolenses, 1990.
- (es) Luis Alcala, Ana Alonso, José Pedro Calvo, Rafael Adrover: El terciario de la fosa de Teruel. Editor Alfonso Meléndez Hevia. XXXII Curso de Geología Práctica, 95, 118.
Se veiga tamién
editar- Falla de Concut.
- Falla de Teruel.
- Falla de Pasadera.
- Fuesa de Xiloca.
- Penyalba de Bellestar.
- Río Alfambra.
- Río Cabriuel.
- Río Guadalaviar.
Datos: Q20614595