Erodium moschatum
Turknael (Erodium moschatum) is 'n plant wat afkomstig is uit Europa en Asië, maar dit reeds meer as 'n eeu teenwoordig in Suid-Afrika.[1]
| Turknael | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Geraniales |
| Familie: | Geraniaceae |
| Genus: | Erodium |
| Spesie: | E. moschatum
|
| Binomiale naam | |
| Erodium moschatum (L.) L'Hér. (1789)
| |
Dit is een- of tweejaarliks, regop tot liggende, aromatiese kruid wat aan die familie Geraniaceae behoort. Die wetenskaplike naam verwys na 'n muskusagtige reuk wanneer dit fyngemaak word. Sy jong vrugte het langwerpige style, losweg in kolomme saamgesmelt. Elke styl lyk soos 'n reier se snawel. Die plant, wat 'n hoogte van ongeveer 30 cm bereik, het veervormig saamgestelde blare met getande blaadjies, en bloeiwyses wat bestaan uit 5–13 violet tot pienk blomme elk .Die heliese sterte (d.i. style) van die vrygemaakte merikarpe van die vrugte herinner aan baie lang, gedraaide menslike naels - vandaar die Afrikaanse naam turknael. In Suid-Afrika vind die bloei van Junie tot Desember plaas, met 'n hoogtepunt in Julie, Augustus en September.[2]
Die plant word deur volstruise, bokke en skape gevreet, maar in skape kan dit liggevoeligheid veroorsaak wanneer groot hoeveelhede gevreet word. Die skape kry purulente korsies op hulle gesigte en neusvlakke en andere dele wat nie met wol bedek is nie.
Verwysings
wysig- ↑ https://powo.science.kew.org/taxon/urn:lsid:ipni.org:names:372354-1
- ↑ J.C. Stroebel (2002). "Induction of photosensitivity in sheep with Erodium moschatum (L.) L'Hérit". Journal of the South African Veterinary Association. 73 (22).
{{cite journal}}: AS1-onderhoud: gebruik authors-parameter (link)