Birger Hatlebakk

Birger Hatlebakk (20. august 1912–27. mars 1997), fødd i Elnesvågen i Fræna kommune, var ein norsk forretningsmann, skipar av industriverksemdene Glamox og Moxy og politikar. Han var vararepresentant på Stortinget frå Møre og Romsdal for Venstre i perioden 1969 til 1973.

Birger Hatlebakk
Fødd	20. august 1912 Fræna
Død	27. mars 1997 (84 år)
Statsborgar av	Noreg
Parti	Venstre
Yrke	politikar
Alle verv	vararepresentant til Stortinget (1969–1973)

Utdanning og karriere

Birger Hatlebakk studerte til sivilingeniør ved NTH og underviste deretter ved Trondheim Tekniske Skole ei tid (1941). Samtidig eksperimenterte han med teknologi for produksjon av mellom anna vindmøller, koplingsbokser for elektriske anlegg, dørvridarar og det som skulle bli det viktigaste bidraget hans, glamoxering (1948), som er ei elektrokjemisk overflatebehandling av aluminium som gjorde overflata blank og veleigna som reflektorar i lysrøyrarmaturar. På grunnlag av denne teknologien som han utvikla, starta han bedrifta Glamox i 1950, som blei flytta til Molde i 1957, og som produserte lysarmaturar og elektriske varmeomnar. I 1974 etablerte han ein fabrikk for produksjon av dumparar, Moxy, i heimbygda Elnesvågen.

Referanse i populærkultur

Birger Hatlebakk er referert til i songen «Arne Armoen og personalsjefen» (1975) av Vømmøl Spellmannslag: Takket være strukturrasjonalisering, kapitalinvestering, indoktrinering, hatlebakkisering, sentralisering og inflasjon.

Heider

• Norske Ingeniørers Forenings gullmedalje for utvikling av det tekniske miljø (1993).

Litteratur

• John Hollen, Ved slottets port: historien om Birger Hatlebakk, 1991

Kjelder

• Denne artikkelen bygger på «Birger Hatlebakk» frå Wikipedia på bokmål, den 8. mai 2010.