Nazi-Duutslaand
Mit Nazi-Duutslaand, t Daarde Riek of soms ook t Doezendjoarege Riek wordt n periode ien de schiednis van Duutslaand bedould dij luip van 30 jannewoari 1933 tot 8 maai 1945 tou onder t naziregime. Ien dizze periode (1939) begon Nazi-Duutslaand de Twijde Wereldkraig, dij ien Europa op 8 maai 1945 ìndegde mit de kapituloatsie van Duutslaand.
De nazies nuimden heur stoat t Daarde Riek. As Eerste Riek gol t olle Hillege Reumse Riek van de Duutse Noatsie (843-1806), as Twijde Riek t Duutse Kaaizerriek (1871-1918). Volgens heur verwaachtens zol t Daarde Riek (minstens) doezend joar bestoan.
Offisjeel lag de haile maacht ien t Daarde Riek bie Adolf Hitler. Ien de praktaik luit hai veul over aan zien onderschikden. Heur bevougdheden waren nait slim dudelk vaastlegd en overlapden ainander voak. Der wordt wel ais sègd dat Hitler dit doulbewust dee om mit dizze verdail-en-heerspolitiek eventuwele konkurenten ien de partaai mekoar dwaars te zitten lôten ien stee van dat zai hom overaal de schuld van geven zollen.
|
Schreven ien t Hoogelaandsters |